Koffee With Karan 8: ....म्हणून करीना कपूर तिचे चित्रपट पाहत नाही?, अभिनेत्रीने स्वत: केला खुलासा

Koffee With Karan 8 Latest Episode

सध्या सोशल मीडियावर करण जोहरचा ‘कॉफी विथ करण ८’ हा शो प्रचंड चर्चेत आहे. दरवर्षीप्रमाणे यावर्षीच्या सीझनचीही सध्या सोशल मीडियावर चांगलीच चर्चा होत आहे. येत्या एपिसोडमध्ये बॉलिवूडमधल्या नणंद भावजया हजेरी लावणार आहेत. त्या नणंद भावजया म्हणजे, करीना कपूर खान आणि आलिया भट्ट. येत्या एपिसोडमध्ये आलिया आणि करीना हजेरी लावणार आहेत. नुकतंच त्याचा टीझर करणने सोशल मीडियावर शेअर केला आहे.

शोमध्ये करीना आणि आलियाने अनेक मजेदार किस्स्यांवर भाष्य केले आहे. करीनाने शोमध्ये ती तिचा कोणताही चित्रपट पाहत नाही, असा तिने खुलासा केला आहे. यामागील तिने कारणही सांगितले आहे. करीना कपूर खान म्हणाली की, “मला माझेच चित्रपट पाहून नर्वस वाटतं त्यामुळे मी स्वत:च माझे चित्रपट पाहत नाही. जेव्हाही माझे स्वतःचे चित्रपट पाहते त्यावेळी मला अस्वस्थ वाटतं, म्हणून मी चित्रपट न पाहणंच पसंद करते.” (Bollywood)

“मी अशा ठिकाणी आहे, जिथे मी खूप खुश आहे, शांत आहे, टेन्शन फ्री आहे आणि मुख्य बाब म्हणजे, सर्वकाही चांगले चालले आहे. जर मी स्वत:कडे पाहिले तर, मी नक्कीच स्वत:चे परिक्षण करायला सुरुवात करेल.” करीनाचे हे बोलणे ऐकून आलिया सुद्धा चकित झाली. यावर आलिया करीनाला तुझ्यामध्ये खूपच आत्मविश्वास आहे. (Bollywood News)

सोबतच यावेळी करिनाने भाऊजई आलिया भट्टलाही एक मजेशीर सल्ला दिला आहे. तुम्ही दोघांनीही आता दुसऱ्या मुलाचा विचार करावा. जेणेकरुन एक तुझ्याकडे तर दुसरा रणबीरकडे बाळ असेल. तर तुम्ही लवकरात लवकर तुमच्यातील वाद संपवावा. आलिया शोमध्ये म्हणाली होती की, माझ्यामध्ये आणि रणबीरमध्ये अनेकदा राहावरुन भांडणं होतात. राहासोबत सर्वाधिक वेळ कोण घालवतं ?, या मुद्द्यावरुन आमच्यात खूप भांडणं होतात. (Entertainment News)