Zinda Banda Song Video : 'जिंदा बंदा'मध्ये झळकळी मराठमोळी अभिनेत्री, शाहरुख खानसोबत लावले जबरदस्त ठुमके

Girija Oak Prabhu Dances With Shah Rukh Khan : शाहरुख खानचा आगामी चित्रपट 'जवान' वेगवेगळ्या आयडिया अंमलात आणत आहेत. चित्रपटाचा प्रिव्ह्युव्ह , गाण्याचा प्रिव्ह्युव्ह या सगळ्याचा वापर करून निर्माते प्रेक्षकांची उत्सुकता वाढवता आहेत. तसेच चित्रपटाविषयी प्रेक्षकांचे मत देखील जाणून घेण्याचा प्रयत्न करत आहेत.

शाहरुख खानचे फॅन्स देखील या चित्रपटासाठी खूप उत्सुक आहेत. दरम्यान 'जवान'मधील शाहरुख खानचे पहिले गाणे प्रदर्शित झाले आहे. 'जिंदा बंदा' असे या गाण्याचे नाव आहे.

शाहरुख या चित्रपटामध्ये गिरीजा ओक देखील आहे. गिरीजा चित्रपटाविषयी अपडेट तिच्या मीडियावर शेअर करत असते. गिरिजाने ती या चित्रपटामध्ये दिसणार असल्याचे देखील शेअर केले होतो. परंतु ती कोणत्या भूमिकेत दिसणार याची मराठी रसिकांना उत्सुकता होती.

दरम्यान 'जिंदा बंदा' या गाण्यातून गिरीजाची झलक पाहायला मिळत आहेत. या गाण्यात गिरीजा शाहरुखच्या मागे डान्स करताना दिसत आहे. हे संपूर्ण गाणं जेलमध्ये शूट करण्यात आलं आहे. आता यावरून गिरीजा या जेलमध्ये काय करत आहे, असा प्रश्न मनात येऊ शकतो.

याआधी जवानाच्या प्रिव्हयु टीझरमध्ये देखील गिरीजा झळकली होती. तर यावेळी जबरदस्त डान्स करताना गिरीजा दिसत आहे.

जवानच्या 'जिंदा बंदा' या गाण्यामध्ये शाहरुखच्या मागे अनेक स्त्रिया दिसत आहेत. या गाण्यात १००० फिमेल डान्सरसोबत शूट करण्यात आले आहे. हे गाणे हिंदीसह तामिळमध्ये वंधा एडम आणि तेलुगूमध्ये धुम्मे धुलीपेला या नावांनी प्रदर्शित करण्यात आले आहे.

शाहरुख खान आणि त्याच्या आगामी जवान चित्रपटाची इतकी क्रेझ आहे की अवघ्या ५ तासात या चित्रपटातील 'जिंदा बंदा' या गाण्याने ६ मिलियन व्ह्यूव टप्पा पार केला आहे.