राजकुमार हिरानी दिग्दर्शित ‘डंकी’चा किंग खानच्या वाढदिवशी टीझर रिलीज झाला. टीझरनंतर चित्रपटाचा पोस्टरही रिलीज झाला. गेल्या अनेक दिवसांपासून सर्वांनाच या चित्रपटाबद्दल बरीच उत्सुकता निर्माण झाली. नुकतंच गीतकार आणि शायर जावेद अख्तर यांनी चित्रपटाच्या क्लायमॅक्सवर भाष्य केलं आहे. मुलाखतीतून त्यांनी चाहत्यांना चित्रपटाचा क्लायमॅक्स सांगितला आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
न्यूज १८ ला दिलेल्या मुलाखतीमध्ये जावेद अख्तर यांनी सांगितले की, “चित्रपटासाठी मी एकच गाणे लिहिले आहे. ते शेवटचं गाणं असून त्याच गाण्यावरुन हा चित्रपट संपतो. मी चित्रपटासाठी गाणं लिहावं अशी राजकुमार हिरानी यांची इच्छा होती. ते गाणं नक्कीच तुम्हाला आवडेल, यात काही शंका नाही. चित्रपटाची संपूर्ण थीम त्या गाण्यातूनच मांडण्यात आली आहे.” (Bollywood)
“प्रीतमने ते गाणं उत्तम संगीतबद्ध केले आहे. पण त्याआधी मी गाणं लिहिलं आहे. मग प्रीतमने गाणं तयार केलं. असं अनेकदा झालंय, मला गाण्याच्या चालीवर (Tune) गाणं लिहायला सांगितले जाते. पण प्रीतमचा मोठेपणा इतका की, त्याने आधी मला गाणं लिहायला सांगितलं अन् मग गाण्याला चाल दिली.” (Bollywood Songs)
शाहरुख खानच्या डंकीमधील एक गाणं गीतकार आणि शायर जावेद अख्तर यांनी लिहिले आहे. सध्या त्यांचे नेटकऱ्यांकडून कौतुक केले जात आहे. हे गाणं सर्वात महत्वाचं असून त्या गाण्यावरच चित्रपटाचा शेवट अवलंबून असल्याचा जावेद अख्तर यांनी सांगितले. शाहरुखचा ‘डंकी’ येत्या डिसेंबर महिन्यामध्ये रिलीज होणार आहे.
चित्रपटामध्ये मुख्य भुमिकेत शाहरुख खान, तापसी पन्नू, दिया मिर्झा, बोमन इराणी, ज्येष्ठ अभिनेत्री ज्योती सुभाष अशी दमदार कलाकारांची स्टारकास्ट पाहायला मिळणार आहे. तर चित्रपटामध्ये विकी कौशल कॅमिओ करणार आहे. राजकुमार हिरानी दिग्दर्शित ‘डंकी’ चित्रपट येत्या २१ डिसेंबरला थिएटरमध्ये प्रदर्शित होणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.