Salman Khan On Tiger 4: खरंच सलमान खानचा 'टायगर 4' येतोय का?, वर्ल्डकप फायनलमध्ये स्वत: अभिनेत्याने दिली हिंट

Tiger 3 Movie:

बॉलिवूडचा (Bollywood) 'सुलतान' अर्थात अभिनेता सलमान खानचा (Salman Khan) बहुप्रतीक्षित चित्रपट 'टायगर ३' (Tiger 3 Movie) नुकताच प्रेक्षकांच्या भेटीला आला. या चित्रपटाने रिलीजच्या पहिल्याच दिवशी बॉक्स ऑफिसवर धुमाकूळ घालत बक्कळ कमाई केली. या चित्रपटाला प्रेक्षकांकडून खूप चांगला प्रतिसाद मिळत आहे. या चित्रपटाने भारतामध्ये आतापर्यंत २२० कोटींपेक्षा जास्त कमाई केली आहे.

याचदरम्यान, सलमान खानने आयसीसी वर्ल्डकप २०२३ च्या अंतिम सामन्यात आपल्या चित्रपटाचे प्रमोशन केले. सलमान खानसोबत कतरिना कैफही दिसली. यावेळी सलमान खानने चाहत्यांना गुडन्यूज देखील दिली. सलमान खानने चाहत्यांना 'टायगर ४' ची हिंट दिली आहे.

सलमान खानने नुकताच चाहत्यांना एक आनंदाची बातमी दिली आहे. भारत विरुद्ध ऑस्ट्रेलिया वर्ल्डकप २०२३ च्या अंतिम सामन्यादरम्यान सलमान खान 'टायगर ४' विषयी बोलला. सलमान खानचा हा व्हिडीओ व्हायरल होत आहे. टायगर ४ बद्दल ऐकून सलमान खानचे चाहते खूपच आनंदी झाले आहेत.

सलमान खान, कतरिना कैफ आणि इमरान हाश्मी यांचा 'टायगर ३' चित्रपट रिलीज झाल्यापासून 'टायगर ४'ची चर्चा सुरू झाली आहे. अशातच सलमान खानने 'टायगर ४' बाबतचे अपडेटही दिले आहेत. वर्ल्डकपच्या अंतिम सामन्यावेळी त्याने 'टायगर ४' संदर्भात हिंट दिली. त्यानंतर आता 'टायगर ४' बद्दल जोरदार चर्चा सुरू झाली आहे.

आयसीसी वर्ल्डकप २०२३ च्या अंतिम सामन्यादरम्यान, सलमान खान आणि कतरिना कैफ यांनी विराट कोहलीच्या कारकिर्दीबद्दल चर्चा केली. दरम्यान सलमान खान बोलला. 'टायगर १' ते 'टायगर ३' पाहिल्याचे सांगितले. तेही वयाच्या ५७ व्या वर्षी. आता 'टायगर ४' ची ६० व्या वर्षी वाट पाहा. सलमान खानच्या या व्हिडिओनंतर 'टायगर ४'ची चर्चा सुरू झाली. सलमान खानचा हा व्हिडिओ सोशल मीडियावर व्हायरल होत आहे.

दरम्यान, सलमान खानचा 'टायगर ३' हा चित्रपट सध्या बॉक्स ऑफिसवर धुमाकूळ घालत आहे. या चित्रपटाने अवघ्या काही दिवसांमध्येच २०० कोटींचा टप्पा पार केला आहे. आता हा चित्रपट २५० कोटींचा पल्ला गाठण्याच्या दिशेने वाटचाल करत आहे. या चित्रपटात सलमान खानसोबत कतरिना कैफ आणि इम्रान हाश्मी हे मुख्य भूमिकेत आहेत. त्याचबरोबर या चित्रपटातील शाहरुख खानच्या कॅमिओने प्रेक्षकांची मनं जिंकली.