Swargandharva Sudhir Phadke: ‘जे माझ्या मनाला भावतं, ते माझ्या संगीतातून आणि गळ्यातून उतरतं...’; ‘स्वरगंधर्व सुधीर फडके’चा ट्रेलर प्रदर्शित

Swargandharva Sudhir Phadke Biography Trailer: रसिकमनाचा ठाव घेणाऱ्या 'बाबुजीं'ची जीवनगाथा सांगणारा ‘स्वरगंधर्व सुधीर फडके’ चित्रपटाचा ट्रेलर प्रदर्शित झालेला आहे. रामनवमीच्या पूर्वसंध्येला हा ट्रेलर रिलीज झाला आहे.
Swargandharva Sudhir Phadke Biography Trailer
Swargandharva Sudhir Phadke Biography TrailerYou Tube

Swargandharva Sudhir Phadke Biography Trailer

स्वरगंधर्व सुधीर फडके... अनेकांच्या घराघरांत आणि मनामनात पोहोचलेलं एक अजरामर नाव. मराठी- हिंदी गायक आणि संगीतकार म्हणून त्यांनी संगीतप्रेमींच्या मनात आपला ठसा उमटवलेला आहे. पाच दशकांहून अधिक काळ त्यांनी आपल्या गायकीने आणि संगीताने संगीतप्रेमींना मंत्रमुग्ध केले.

'गीतरामायणा'तील गोडव्याने, भावविभोर गीतांनी 'बाबुजीं'नी मराठी मनावर राज्य केले. अशा या रसिकमनाचा ठाव घेणाऱ्या 'बाबुजीं'ची जीवनगाथा सांगणारा ‘स्वरगंधर्व सुधीर फडके’ चित्रपट येत्या १ मे ला चित्रपटगृहामध्ये रिलीज होत आहे. रामनवमीच्या पूर्वसंध्येला या चित्रपटाचा भव्य ट्रेलर लाँच सोहळा राज ठाकरे यांच्या उपस्थितीत पार पडला. यावेळी चित्रपटातील ‘गीतरामायण’मधील बहारदार गाण्यांची झलकही पाहायला मिळाली.

Swargandharva Sudhir Phadke Biography Trailer
BMCM Day 6 Collection: अक्षय कुमारच्या ‘बडे मियाँ छोटे मियाँ’ची बॉक्स ऑफिसवर जादू कायम; जगभरामध्ये कमाई जोमात

‘स्वरगंधर्व सुधीर फडके’ चित्रपट म्हणजे आजवरचा सर्वात भव्य स्वरमयी बायोपिक ठरणार आहे. या चित्रपटाच्या माध्यामतून ‘स्वरगंधर्व सुधीर फडके’ म्हणजेच बाबुजींच्या आयुष्यातील अनेक पैलु आपल्याला पाहायला मिळणार आहे. त्यांचा सुरूवातीचा संघर्षाचा काळ ट्रेलरमध्ये पाहायला मिळणार आहे. सांगितिक मैफल घडवणाऱ्या या चित्रपटाच्या ट्रेलरची सुरुवात, ‘जे माझ्या मनाला भावतं, ते माझ्या संगीतातून आणि गळ्यातून उतरतं...’ या डायलॉगने होते. मुंबईतला परतीचा प्रवासापासून तर एक उत्तम संगीतकार होण्याचा प्रवास आपल्याला चित्रपटात पाहायला मिळणार आहे. हा चित्रपट म्हणजे संगीतप्रेमींसाठी एक पर्वणीच ठरणार, हे नक्की. चित्रपटामध्ये ‘स्वरगंधर्व सुधीर फडके’ यांचे पात्र अभिनेता सुनील बर्वेने साकारले असून मृण्मयी देशपांडेने त्यांच्या पत्नीचे पात्र साकारले आहे.

चित्रपटात एकूण २७ गाणी असून या चित्रपटाच्या माध्यमातून प्रेक्षकांना संगीत नजराणा मिळणार आहे. सौरभ गाडगीळ प्रस्तुत रिडिफाईन प्रॉडक्शन्स निर्मित या चित्रपटाचे सौरभ गाडगीळ आणि योगेश देशपांडे निर्माते आहेत. सुनील बर्वे, मृण्मयी देशपांडे, सागर तळाशीकर, मिलिंद फाटक, आदिश वैद्य, सुखदा खांडकेकर, अपूर्वा मोडक, अविनाश नारकर, शरद पोंक्षे, उदय सबनीस, चिन्मय पटवर्धन, निखिल राऊत, विभावरी देशपांडे, धीरेश जोशी, परितोष प्रधान अशी तगडी स्टारकास्ट चित्रपटामध्ये प्रमुख भूमिकेत दिसणार आहे. योगेश देशपांडे यांनी चित्रपटाचे दिग्दर्शन केले असून चित्रपटाची कथा, पटकथा, संवादही त्यांनी स्वत: लिहिलेले आहे.

Swargandharva Sudhir Phadke Biography Trailer
Salman Khans House Firing Case: सलमान खानला ठार करण्याच्या इराद्यानंच गोळीबार; तपासात धक्कादायक माहिती झाली उघड

राज ठाकरे यांनी चित्रपटाबद्दल सांगितले की, "मला बाबुजींचा सहवास फारसा लाभला नाही. पण, माझ्या वडिलांचे आणि बाबुजींचे फार जवळचे संबंध होते. बाबुजींना जवळून भेटण्याचा योग आला नाही. पण, कदाचित हा योग मला सुनिल बर्वेंमुळे येईल. बाबुजींची सगळीच गाणी अजरामर आहेत. त्यांच्या गाण्यांची खासियत म्हणजे एखाद्याला नवसंजीवनी देणे, उभारी देणे, मला खात्री आहे, या चित्रपटाला नक्कीच प्रेक्षकांची पसंती मिळेल."

तर चित्रपटाबद्द योगेश देशपांडेंनी सांगितले की, "स्वरगंधर्व सुधीर फडके यांचे संगीत क्षेत्रातील योगदान सर्वश्रुतच आहे. परंतु इथंवर पोहोचण्याचा त्यांचा प्रवास खडतर होता. त्यांच्या या प्रवासात पत्नी ललिताबाई, ग. दि. माडगुळकर हे त्यांच्या सोबत होते. परंतु या प्रवासात त्यांना अनेकांनी साथ दिली. त्यांच्या भावसंगीताचा हा रंजक प्रवास चित्रपटातून मांडण्याचा आमचा प्रयत्न आहे."

Swargandharva Sudhir Phadke Biography Trailer
Aami Je Tomar Song: 'आमी जे तोमर'मध्ये विद्या बालन आणि माधुरी दीक्षितची जुगलबंदी पाहायला मिळणार, ‘भुल भुलैय्या ३’साठी चाहत्यांची उत्सुकता शिगेला

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com