BMCM Day 6 Collection: अक्षय कुमारच्या ‘बडे मियाँ छोटे मियाँ’ची बॉक्स ऑफिसवर जादू कायम; जगभरामध्ये कमाई जोमात

Bade Miyan Chote Miyan Day 6 Box Office Collection

सध्या बॉक्स ऑफिसवर अक्षय कुमारच्या आणि टायगर श्रॉफच्या ‘बडे मियाँ छोटे मियाँ’ चित्रपटाची जोरदार कमाई सुरू आहे. चित्रपटाची देशासह परदेशातही जोरदार कमाई सुरू आहे. चित्रपटाला पहिल्या विकेंडला उत्तम प्रतिसाद मिळाला होता.

चित्रपट बॉक्स ऑफिसवर इतरत्र दिवशीही उत्तम कमाई करत असल्याचं दिसत आहे. नुकतंच सहाव्या दिवसाच्या कमाईचा आकडा समोर आलेला आहे. चित्रपटाने देशभरामध्ये सहा दिवसांतच ४६ कोटींच्या आसपासची कमाई केली आहे. (Bollywood)

सोशल मीडियावर प्रेक्षकांकडून चित्रपटाला उत्तम प्रतिसाद मिळताना दिसत आहे. २०२४ मध्ये जगभरामध्ये सर्वाधिक कमाई करणाऱ्या चित्रपटांच्या यादीमध्ये समावेश झालेला आहे. अक्षय आणि टायगरच्या ‘बडे मियाँ छोटे मियाँ’ चित्रपटाने पहिल्या दिवशी १५.६५ कोटी, दुसऱ्या दिवशी ७ कोटी, तिसऱ्या दिवशी ८.५ कोटी, चौथ्या दिवशी ९.५ कोटी, पाचव्या दिवशी २.५ कोटी तर सहाव्या दिवशी चित्रपटाने २.२५ कोटींची कमाई देशभरामध्ये केलेली आहे. तर जगभरामध्ये चित्रपटाने सहा दिवसांत १३५ कोटींच्या आसपासची कमाई केलेली आहे. चित्रपटाने फार कमी दिवसात दमदार कमाई केल्यामुळे प्रेक्षकांकडून कौतुकाचा वर्षाव होत आहे. (Bollywood Film)

‘बडे मियाँ छोटे मियाँ’ची घोषणा झाल्यापासून प्रेक्षकांना चित्रपटाबद्दल चांगलीच उत्सुकता होती. ॲक्शन सीन्सपासून ते मनोरंजक  सस्पेन्स आणि थ्रिलरपर्यंत हा चित्रपट प्रेक्षकांना खुर्चीवर खिळवून ठेवणारा आहे. ‘बडे मियाँ छोटे मियाँ’ चित्रपटाचं तब्बल ३५० कोटींचं बजेट आहे. चित्रपटाने प्रदर्शनाआधी पासूनच जोरदार कमाई सुरू केली आहे. (Bollywood News)

चित्रपटात अक्षय कुमार, टायगर श्रॉफ, आलिया एफ आणि मानुषी छिल्लरशिवाय पृथ्वीराज सुकुमारन, सोनाक्षी सिन्हा हे देखील महत्त्वाच्या भूमिकेत दिसणार आहेत. या चित्रपटाचे लेखन आणि दिग्दर्शन अली अब्बास जफर यांनी केले आहे. वाशू भगनानी, दीपशिखा देशमुख, जॅकी भगनानी, हिमांशू किशन मेहरा आणि अली अब्बास जफर हे या चित्रपटाचे निर्माते आहेत. (Entertainment News)