Famous Actor Death : ज्येष्ठ अभिनेत्याचे निधन; वयाच्या ७१ व्या वर्षी मालवली प्राणज्योत, मनोरंजन विश्वावर शोककळा

मनोरंजन विश्वातून दुःखद बातमी समोर आली आहे. ज्येष्ठ हॉलिवूड अभिनेत्याचे निधन झाले आहे. प्रसिद्ध अभिनेते डोनाल्ड गिब (Donald Gibb) यांचे निधन झाले. वयाच्या ७१ वर्षी त्यांनी अखेरचा श्वास घेतला. अभिनेते 'Revenge of the Nerds' या चित्रपट 'Ogre' (ओगर) या 'फ्रॅटर्निटी' सदस्याच्या भूमिकेसाठी प्रसिद्ध होते.

TMZ च्या वृत्तानुसार, अभिनेते डोनाल्ड गिब काही काळापासून आजारी होते. त्यामुळे अभिनेत्याचे मंगळवारी- १२ मे रोजी संध्याकाळी निधन झाले. कुटुंबाने या बातमीला दुजोरा दिला. त्यांनी म्हटले की, डोनाल्ड यांचे "प्रभूवर, तसेच त्यांच्या कुटुंबावर, मित्रपरिवारावर आणि चाहत्यांवर मनापासून प्रेम होते.त्यांची उणीव तीव्रतेने भासेल आणि ते सदैव स्मरणात राहतील." कुटुंबाने या कठीण काळात त्यांच्या प्रायव्हसीचा आदर करण्याची विनंतीही केली आहे.

अभिनेते डोनाल्ड गिब यांचा मृत्यू टेक्सास येथील त्यांच्या राहत्या घरी कुटुंबातील सदस्य आणि मुलांच्या सानिध्यात झाला. अभिनेत्याच्या निधनाची बातमी चाहत्यांसाठी धक्कादायक आहे. मनोरंजन विश्वातील कलाकारांनी आणि चाहत्यांनी अभिनेत्यावर श्रद्धांजली वाहिली आहे. डोनाल्ड गिब हे गेल्या काही काळापासून प्रकृतीविषयक समस्यांशी झुंज देत होते. अभिनेत्याच्या निधनाने त्यांच्या कुटुंबावर दुःखाचा डोंगर कोसळला आहे.

डोनाल्ड गिब यांनी चित्रपट आणि टिव्ही क्षेत्रात यशस्वी कामगिरी केली. ज्यामध्ये 'Bloodsport','U.S. Marshals' आणि 'Hancock' सारख्या प्रोजेक्टचा समावेश होता. त्यांनी अनेकदा कठोर किंवा धाडसी व्यक्तींच्या भूमिका साकारल्या.पडद्यामागे अभिनेत्याची एक दयाळू आणि अत्यंत साधी-सरळ व्यक्ती म्हणून ओळख होती.