Viral Video: शाहरुखच्या 'पठान' मधील गाण्यावर BTS आर्मीने केला भन्नाट डान्स, व्हिडिओ व्हायरल

Jhume Jo Pathaan Viral Video: सुपरस्टार शाहरुख खानचा 'पठान' हा चित्रपट जगभरात प्रचंड कमाई करत आहे. तर दुसरीकडे त्याच्या 'झूम जो पठान' या गाण्याने प्रेक्षकांना अक्षरश: वेड लावलं आहे. आता कोरियनच्या प्रसिद्ध बीटीएस आर्मी या ग्रुपने गाण्यावर एक जबरदस्त डान्स करत व्हिडिओ शेअर केला आहे, त्यांच्या हूक स्टेप्स पाहून नक्कीच तुम्ही ही नक्कीच थिरकाल.

बीटीएस आर्मीचा एक व्हिडिओ सोशल मीडियावर मोठ्या प्रमाणात व्हायरल होत आहे, ज्यामध्ये यातील सर्व सदस्य 'झूम जो पठान' या गाण्यावर थिरकताना दिसत आहेत. त्यांनी शाहरुख खान आणि दीपिका पदुकोणच्या डान्स स्टेप्सची एकही कॉपी केलेली नाही. पण त्यांच्या किलर मूव्ह्सने सर्वांचेच मन जिंकले आहे. त्यांच्या या अनोख्या हूक स्टेप्सने सर्वांचेच मन जिंकले आहे. हा व्हिडिओ जबरदस्त व्हायरल होत असून चाहत्यांनी व्हिडिओवर लाईक्स आणि कमेंट्सचा वर्षाव केला आहे.

बीटीएस आर्मीच्या या व्हिडीओवर युजर कमेंट करत म्हणतात, 'ओरिजिनलपेक्षा खूपच सुंदर' दुसर्‍याने लिहिले, 'मूळ कोरिओग्राफीपेक्षा खूप चांगले'. तर आणखी एक युजर म्हणतो, 'मूळ खूपच कंटाळवाणा होता, परंतु बीटीएसने उत्कृष्ट नृत्य केले आहे' अशी टिप्पणी केली.

शाहरुख खान आणि दीपिका पदुकोणचा 'झूम जो पठान' हे गाणे प्रदर्शित झाल्यापासून बरेच चर्चेत आहे. नेटकऱ्यांसह अनेक सेलिब्रिटींनी या गाण्यावर रील बनवली. आतापर्यंत जगभरात चित्रपटाने ९७५ कोटींची कमाई केली आहे. लवकरच शाहरुखचा 'पठान' १००० कोटींच्या क्लबमध्ये सामील होत आहे. 'पठान'ने कमाईत काही दिवसांपूर्वी सलमान खानच्या 'बजरंगी भाईजान' आणि आमिर खानच्या 'सिक्रेट सुपरस्टार'लाही मागे टाकले आहे.