Animal Movie Leak: रणबीर कपूर आणि संदीप रेड्डी वांगाला मोठा झटका, रिलीज होताच 'अ‍ॅनिमल' ऑनलाइन लीक

अ‍ॅनिमल' ऑनलाइन लीक

(Animal Movie Leak Online):

बॉलिवूड (Bollywood) सुपरस्टार रणबीर कपूर (Ranbir Kapoor), साऊथची प्रसिद्ध अभिनेत्री रश्मिका मंदान्ना (Rashmika Mandanna), बॉबी देओल स्टारर 'अ‍ॅनिमल' चित्रपट (Animal Movie) आज म्हणजेच 1 डिसेंबरला प्रेक्षकांच्या भेटीला आला. संदीप रेड्डी वांगा दिग्दर्शित या चित्रपटाला प्रेक्षकांकडून खूप चांगला प्रतिसाद मिळत आहे. रिलीजच्या पहिल्याच दिवशी आणि पहिल्याच शोला प्रेक्षकांनी चित्रपट पाहण्यासाठी चित्रपटगृहाबाहेर मोठी गर्दी केल्याचे चित्र पाहायला मिळत आहे.

रणबीरची धमाकेदार एन्ट्रीपासून ते बॉबी देओलचा लूक आणि चित्रपटातील फायटिंग प्रेक्षकांना प्रचंड आवडत आहे. पहिल्याच दिवशी 'अ‍ॅनिमल'ने बॉक्स ऑफिसवर जादू केली आहे. याचित्रपटाला प्रेक्षकांनी ब्लॅकबस्टर म्हटलं आहे. अशामध्ये या चित्रपटाचे निर्माते, दिग्दर्शक आणि स्टारकास्टला मोठा धक्का बसला आहे. रिलीज होताच अवघ्या काही तासांमध्येच 'अ‍ॅनिमल' ऑनलाइन लीक झाला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

'जवान', 'पठाण' आणि 'टायगर 3' नंतर आता रणबीर कपूरचा 'अ‍ॅनिमल' चित्रपटही ऑनलाइन लीक झाला आहे. रणबीर कपूरचा हा चित्रपट रिलीज होताच अनेक साइटवर लीक झाला आहे. मीडिया रिपोर्ट्सनुसार, रणबीर कपूर, रश्मिका मंदान्ना आणि बॉबी देओलचा चित्रपट 'अ‍ॅनिमल' Filmywap, Animal Download Tamil Rockers आणि Filmyzilla वर लीक झाला आहे. या साईट्सवर हा चित्रपट एचडी क्वालिटीमध्ये उपलब्ध असल्याचा दावाही अहवालात करण्यात आला आहे. चित्रपट ऑनलाइन लीक झाल्याच्या या बातमीने सर्वांनाच आश्चर्याचा धक्का बसला आहे.

'अ‍ॅनिमल' ऑनालाइन लीक झाल्यामुळे संदीप रेड्डी वांगा आणि रणबीर कपूरला मोठा धक्का बसला आहे. या ऑनलाइन लीकमुळे चित्रपटाच्या कमाईवर काही प्रमाणात परिणाम होण्याची शक्यता वर्तवली जात आहे. रणबीर कपूरचा 'अ‍ॅनिमल' चित्रपट ऑनलाइन लीक झाल्याच्या बातम्यांमुळे चाहते खूपच दुःखी झाल्याचे दिसत आहेत. असे दरी असेल तरी या लीकनंतरही रणबीर कपूरचा हा चित्रपट पहिल्याच दिवशी बॉक्स ऑफिसवर जबरदस्त कमाई करणार असल्याचे मानले जात आहे. अनेक मीडिया रिपोर्ट्समध्ये 'अ‍ॅनिमल'ची पहिल्या दिवशीची कमाई 40 कोटींहून अधिक असल्याचे म्हटले जात आहे.