२०२३ मध्ये बॉलिवूडसह (Bollywood) इतर सिनेसृष्टीत अनेक सुपरहिट चित्रपट आणि वेब सीरिज प्रेक्षकांच्या भेटीला आले. या चित्रपट आणि वेब सीरिजला प्रेक्षकांकडून खूप चांगला प्रतिसाद मिळाला. आता हे चित्रपट लवकरच ओटीटी प्लॅटफॉर्मवर रिलीज होणार आहेत. हे चित्रपट ओटीटीवर कधी रिलीज होणार याची प्रेक्षक आतुरतेने वाट पाहत होते. अखेर २०२४ च्या पहिल्या आठवड्यामध्ये हे चित्रपट ओटीटी प्लॅटफॉर्मच्या माध्यमातून प्रेक्षकांच्या भेटीला येणार आहे.
या चित्रपटांमध्ये बॉलिवूडची कॉन्ट्रव्हर्सी क्वीन कंगना रनौत (Kangana Ranaut) आणि मृणाल ठाकूर (Mrunal Thakur) यांच्या चित्रपटांचा देखील समावेश आहे. यांच्या चित्रपटांसोबतच जानेवारीचा पहिला आठवडा ओटीटीवर खास असेल. या आठवड्यात प्रदर्शित होणाऱ्या चित्रपट आणि वेब सीरिजबद्दल जाणून घेऊया...
'तेजस' ही एका भारतीय वायुसेनेच्या अधिकाऱ्याची कथा आहे. जो देशाचे रक्षण करण्यासाठी कोणत्याही परिस्थितीत कटिबद्ध आहे. या चित्रपटात बॉलिवूड अभिनेत्री कंगना रनौत मुख्य भूमिकेत असून तिच्यासोबत अंशुल चौहान, वरुण मित्रा, आशिष विद्यार्थी आणि विशाख नायर हे कलाकार महत्त्वपूर्ण भूमिकेमध्ये आहेत. 'तेजस' ZEE5 वर ५ जानेवारी २०२४ रोजी रिलीज होणार आहे.
'हाय पापा' हा चित्रपट फॅशन फोटोग्राफर विराज आणि त्याची 6 वर्षांची मुलगी माही यांच्याभोवती फिरतो. यशना नावाच्या महिलेच्या जवळ आल्यावर त्यांचे आयुष्य बदलते. या चित्रपटात नानी आणि मृणाल ठाकूर मुख्य भूमिकेत असून कियारा खन्ना, नस्सर, जयराम, प्रियदर्शी पुलीकोंडा, अंगद बेदी आणि विराज अश्विन हे कलाकार प्रमुख भूमिकेत आहेत. हा चित्रपट ४ जानेवारी २०२४ रोजी नेटफ्लिक्सवर प्रदर्शित होणार आहे.
'कोटाबोमाली पीएस' एका पोलिस अधिकाऱ्यावर आधारित चित्रपट आहे. या पोलिस अधिकाऱ्याला राजकारण्याने न केलेल्या गुन्ह्यासाठी चुकीच्या पद्धतीने फसवले. त्यानंतर त्याला पळून जावे लागते. हा चित्रपट ५ जानेवारी २०२४ ला AHA वर प्रदर्शित होणार आहे.
'फूल मी वन्स' ही एक थ्रिलर वेब सीरिज आहे. जी माया स्टर्नच्या पतीमागील सत्य उघड करते. मायाचा नवरा जिवंत आहे. पण तो मेला असल्याचे सांगितले जाते. या वेबसीरिजमध्ये मिशेल कीगन आणि रिचर्ड आर्मिटेज मुख्य भूमिकेत आहेत. हे १ जानेवारी २०१४ रोजी जागतिक स्तरावर Netflix वर ही वेबसीरिज रिलीज झाली.
'क्युबिकल्स सीझन 3' ही वेबसीरिज पियुष नावाच्या व्यक्तीवर आधारित आहे. एक सामान्य व्यक्ती पहिल्यांदा नोकरी करणारा आणि तो त्याच्या कॉर्पोरेट जीवनात कसा पुढे जातो हे या वेबसीरिजमध्ये दाखवण्यात आले आहे. ही वेबसीरिज ५ जानेवारी २०२४ ला Sony Liv वर प्रदर्शित होईल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.