Sonam Kapoor: सोनम कपूरने नेसली आईची ३५ वर्षे जुनी घरचोला साडी, ट्रेडिशनल लूकने जिंकलं सर्वांचं मन

Sonam Kapoor Photoshoot:

बॉलिवूड (Bollywood) अभिनेत्री सोनम कपूर (Sonam Kapoor) चित्रपटसृष्टीपासून दूर असली तरी देखील ती चर्चेत असते. आपल्या नवनवीन फोटोशूट, फॅशन सेन्स, ड्रेसिंग स्टाइल आणि आलिशान जीवनशैलीमुळे ती चर्चेत असते. नुकताच सोनम कपूरच्या ट्रेडिशनल लूकमधील फोटो व्हायरल होत आहेत. सोनम कपूरने आपल्या मैत्रिणीच्या लग्नासाठी हा लूक केला होता. सोनम कपूरने यावेळी तिच्या आईची ३५ वर्षे जुनी साडी नेसली होती. अभिनेत्री या लूकमध्ये खूपच सुंदर दिसत होती. या लग्नामध्ये सोनम कपूरच सर्वात जास्त लाइमलाइटमध्ये राहिली.

सोनम कपूरने लाल रंगाची घरचोला साडी नेसली होती. ही साडी गुजरातची ट्रेडिशनल साडी आहे जी नवरी तिच्या लग्नाच्या वेळी नेसते. ही साडी तिच्या आईची असून ती ३५ वर्षे जुनी आहे. तिने तिच्या आईकडून ही साडी घेतली होती. सोनम कपूरने नेसलेल्या या साडीवर गोल्डन जरी वर्क करण्यात आले आहे. लाल रंगाची ही साडी तिने एम्बेलिश्ड ब्लाऊजसोबत कॅरी केली होती. गुजराती स्टाइलमध्येच तिने ही साडी नेसली होती.

सोनम कपूरने आपला हा ट्रेडिशनल लूक आणखी सुंदर बनवण्यासाठी हेअरस्टाइल करत केसामध्ये गजरा लावला होता. सोनम कपूरने लाइट मेकअप, कपाळावर बिदिया, कानात झुमके घालून आपला लूक परिपूर्ण केला होता. सोनम कपूरवर ही साडी खूपच सुंदर दिसत होती. महत्वाचे म्हणजे या साडीमध्ये तिचे सौंदर्य आणखी खुलून दिसत होते.

सोनम कपूरने आपल्या अधिकृत इन्स्टाग्राम अकाऊंटवर या नव्या ट्रेडिशनल लूकमधील फोटो शेअर केले आहेत. हे फोटो शेअर करत तिने कॅप्शनमध्ये लिहिले की, माझ्या आईची ३५ वर्षे जुनी साडी घरचोला मी नेसली. ही साडी आणि ब्लाऊज मला दिल्याबद्दल मम्मा तुझे खूप खूप आभार.' सोनम कपूरच्या या लूकला तिच्या चाहत्यांकडून चांगली पसंती मिळत असून ते तिच्या सौंदर्याचे कौतुक करत आहेत.

सोशल मीडियावर सक्रीय असणारी सोनम कपूर नेहमीच आपले यूनिक आणि ट्रेडिशनल लूकमधील फोटो आपल्या चाहत्यांसोबत शेअर करत असते. वेस्टर्न असो इंडियन वेअर असो सोनम कपूर यामध्ये खूपच सुंदर दिसते. तिच्या नवनवीन लूक आणि फोटोंची तिचे चाहते आतुरतेने वाट पाहत असतात. सोनम कपूर आई झाल्यापासून सिनेसृष्टीपासून दूर आहे. सध्या ती आपला मुलगा वायूसोबत जास्तीत जास्त वेळ घालवते. सोनम कपूर शेवटी 'वीरे दी वेडिंग' या चित्रपटात दिसली होती.