बॉलीवूडचा (Bollywood) 'मिस्टर परफेक्शनिस्ट' म्हणजेच अभिनेता आमिर खानने (Aamir Khan) नुकताच त्याच्या आगामी चित्रपटाची घोषणा केली. आमिर खान लवकरच 'सितारे जमीन पर' हा चित्रपट घेऊन प्रेक्षकांच्या भेटीला येणार आहे. या चित्रपटाबाबत सोशल मीडियावर जोरदार चर्चा सुरू आहे.
आमिर खानने 'सितारे जमीन पर' चित्रपटाची (Sitaare Zameen Par Movie) घोषणा केली तेव्हापासून या चित्रपटाची स्टारकास्ट, कथा आणि रिलीज डेटबद्दल चर्चा सुरू झाली आहे. आता या चित्रपटाशी संबंधित एक अपडेट समोर आली आहे. रितेश देशमुखची (Riteish Deshmukh) पत्नी आणि बी टाऊन अभिनेत्री जेनिलिया डिसूजाची (Genelia D'Souza) या चित्रपटामध्ये एन्ट्री होणार असल्याची माहिती समोर आली आहे.
आमिर खानने एका टीव्ही चॅनलला दिलेल्या मुलाखतीदरम्यान त्याच्या आगामी चित्रपटाचे नाव सांगितले होते. आमिर खानने चित्रपटाचे नाव सांगत या चित्रपटाचे 'तारे जमीन पर' या त्याच्या सुपरहिट चित्रपटाशी खास संबंध असल्याचे सांगितले होते. आमिर खानने सांगितले की, 'तारे जमीन पर' हा भावनिक चित्रपट आहे आणि त्याचप्रमाणे 'सीतारे जमीन पर' हा एक मनोरंजक चित्रपट असणार आहे. सुपरस्टारचा हा पुढचा चित्रपट देखील २००७ मध्ये आलेल्या 'तारे जमीन पर'च्या थीमवर असणार आहे. या चित्रपटात ९ जण मुख्य भूमिकेत दिसणार आहेत.
दरम्यान, आमिर खान २०२२ मध्ये 'लाल सिंग चड्ढा' या चित्रपटात शेवटी दिसला होता. ज्यामध्ये त्याच्यासोबत अभिनेत्री करीना कपूर मुख्य भूमिकेत होती. हा चित्रपट बॉक्स ऑफिसवर फ्लॉप ठरला. त्यामुळे आमिरला मोठा धक्का बसला. त्यानंतर त्याने काही काळ अभिनयातून ब्रेक घेतला आणि कोणताही प्रोजेक्ट साइन केला नाही. काही दिवसांपूर्वी आमिरने सनी देओलच्या 'लाहोर १९४७' या चित्रपटाची घोषणा केली होती. या चित्रपटाची चर्चा सुरू असताना आता त्याने 'सितारे जमीन पर' या आणखी एका चित्रपटाची घोषणा केली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.