Deepika Padukone: संघर्षाचे दिवस आठवत दीपिका पदुकोण झाली इमोशनल, रणवीरसोबतच्या नात्याबाबत केला मोठा खुलासा

Deepika Padukone On Ranveer Singh Relationship:

दीपिका पदुकोणचे (Deepika Padukone) नाव आज बॉलिवूडच्या (Bollywood) टॉप अभिनेत्रींमध्ये घेतले जाते. दीपिकाने अनेक सुपरहिट चित्रपटांमध्ये काम केले असून केवळ बॉलिवूडमध्येच नाही तर हॉलिवूडमध्येही (Hollywood) तिने आपली जादू दाखवली आहे. ही अभिनेत्री आज इंडस्ट्रीतील सर्वाधिक मानधन घेणारी अभिनेत्री आहे. पण दीपिकाचा इथपर्यंतचा प्रवास इतका सोपा नव्हता. तिने चित्रपटात येण्यापूर्वी खूप संघर्ष केला आहे. याचा खुलासा खुद्द अभिनेत्रीने केला आहे.

दीपिका पदुकोण आणि रणवीर सिंग (Ranveer Singh) यांच्या लग्नाला ५ वर्षे पूर्ण झाली आहेत. सोशल मीडियाच्या माध्यमातून चाहते दोघांनाही लग्नाच्या वाढदिवसानिमित्त शुभेच्छा देत आहेत. दीपिका आणि रणवीर १४ नोव्हेंबर २०१८ मध्ये विवाहबंधनात अडकले. लग्नाच्या वाढदिवसानिमित्त दीपिका पदुकोणची एक मुलाखत व्हायरल होत आहे. या मुलाखतीत दीपिका पदुकोण तिच्या वैयक्तिक आयुष्याबद्दल मोकळेपणाने बोलताना दिसली. यासोबतच या अभिनेत्रीने संघर्षाच्या दिवसांबद्दलही सांगितले. दीपिका पदुकोणची ही मुलाखत सध्या चांगलीच व्हायरल होत आहे.

दीपिका पदुकोणने वोगला मुलाखत दिली आहे. या मुलाखतीमध्ये दीपिकाने तिच्या संघर्षाचे दिवस आणि वैयक्तिक आयुष्याबद्दल अनेक खुलासे केले आहेत. दीपिकाने सांगितले की, 'अनेकदा रणवीर आणि मी एकाच शहरात असतानाही एकत्र वेळ घालवू शकत नाही. आम्हा दोघांना एकत्र वेळ घालवण्यासाठी शेड्युलिंग आणि प्लॅनिंग करावे लागेल. आमचा बहुतेक वेळ प्रवासात जातो. कधी रणवीर रात्री उशिरा घरी येतो, तर कधी मी सकाळी लवकर घरातू निघून जाते. मला रणवीरसोबत वेळ घालवायला मजा येते.'

यावेळी दीपिका तिच्या संघर्षाचे दिवस सांगत इमोशनल झाली. तिने सांगितले की, 'मी शहरात नवीन असताना बॅग घेऊन इकडे तिकडे फिरायचे. अनेक वेळा मी संपूर्ण दिवस कॅबमध्ये घालवायचे आणि मी कॅबमध्येच झोपायचे. माझ्या आईला फक्त मी सुरक्षितपणे घरी पोहोचण्याची काळजी होती. मी जे काही केले ते मी स्वतः केले.' दरम्यान, दीपिका पादुकोन लवकरच साऊथचा सुपरस्टार प्रभाससोबत कल्की '2898 एडी' या चित्रपटात दिसणार आहे. याशिवाय 'फायटर' या चित्रपटात ती हृतिक रोशनसोबत काम करताना दिसणार आहे.