Prany Singh Pachauri Wedding: 'द केरला स्टोरी' फेम अभिनेत्याने गुपचूप उरकलं लग्न, कपलचे क्युट फोटो व्हायरल

Prany Singh Pachauri Marriage:

बॉलिवूडमध्ये (Bollywood) सध्या लगीनघाई पाहायला मिळत आहे. परिणिती चोप्रा- राघव चड्ढा (Parineeti Chopra-Raghav Chandha), रणदीप हुड्डा- लिन लॅशराम (randeep hooda and lin laishram) यांनी नुकताच लग्न केले. त्यांच्या लग्नानंतर 'अ‍ॅनिमल' (Animal) फेम अभिनेता कुणाल ठाकूरने (Kunal Thakur) मुक्ती मोहनसोबत (Mukti Mohan) लग्न केले. त्यानंतर आता आणखी एक प्रसिद्ध अभिनेता विवाहबंधनात अडकला आहे.

'द केरला स्टोरी' फेम अभिनेता प्रणय सिंह पचौरीने (Pranay Singh Pachauri Wedding) नुकताच गुपचूप लग्न केले. प्रणयने त्याची लेडी लव्ह सहज कौर मैनीसोबत लग्न केले. त्यांच्या लग्नाचे फोटो आणि व्हिडीओ सध्या सोशल मीडियावर व्हायरल होत आहे. त्यांच्या फोटोंवर चाहत्यांसह सेलिब्रिटी कमेंट्स करत दोघांवर देखील शुभेच्छांचा वर्षाव करत आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अभिनेता प्रणय सिंह पचौरीने ९ डिसेंबर रोजी स्क्रीन रायटर सहज मैनीसोबत लग्न केले. या कपलने हिमाचल प्रदेशमधील कसौली याठिकाणी दोघांचे कुटुंबीय, नातेवाई आणि मित्र परिवाराच्या उपस्थितीत लग्न केले. प्रणय आणि सहजने शीख विवाह पद्धतीने थाटामाटात लग्न केले. या कपलचे लग्नातील क्यूट फोटो सध्या सोशल मीडियावर व्हायरल होत आहेत.

लग्नामध्ये प्रणयने सुंदर ऑफ व्हाइट कलरची शेरवानी घातली होती. त्याने डोक्यावर लाल फेटा आणि गळ्यामध्ये मोत्यांचा हार घालता होता. प्रणय या लूकमध्ये खूपच हँडसम दिसतोय. तर या खासप्रसंगी सहज कौरने पेस्टल कलरचा हेवी वर्क लेहेंगा परिधान केला होता. यासोबतच लूक पूर्ण करण्यासाठी तिने हेवी चोकर नेकलेस, मांग टिक्का, नाकात रिंग आणि कानात झुमके घातले होते. नववधूच्या रूपामध्ये ती खूपच सुंदर दिसत होती.

प्रणयने आपल्या अधिकृत इन्स्टाग्राम अकाऊंटवर लग्नाचे काही सुंदर फोटो शेअर केली आहेत. ज्यामध्ये दोघेही एकमेकांच्या प्रेमामध्ये बुडाल्याचे दिसत आहेत. हे फोटो शेअर करत दोघांनी एकमेकांप्रती प्रेम व्यक्त केले आहे. प्रणय आणि सहज यांच्या लग्नाच्या फोटोंवर त्यांच्या चाहत्यांसह सेलिब्रिटींनी शुभेच्छांचा वर्षाव कला आहे. अदा शर्मा, निती टेलर, शिवांग चोप्रा, रिद्धिमा पंडित यांनी या कपलला भावी आयुष्यासाठी खूप साऱ्या शुभेच्छा दिल्या आहेत. दरम्यान, प्रणयने 'अ‍ॅनिमल' चित्रपटाशिवाय 'द केरळ स्टोरी' या चित्रपटातही काम केले आहे.