Fighter 4th Day Collection: हृतिक- दीपिकाच्या 'फायटर'ची विकेंडला जोरदार कमाई, आतापर्यंत कितीचा गल्ला जमवला?

Fighter 4th Day Box Office Collection

सिद्धार्थ आनंद दिग्दर्शित (Director Siddharth Aanad) 'फायटर' (Fighter Film)ची जोरदार चर्चा सुरू आहे. चित्रपट बॉक्स ऑफिसवर २५ जानेवारीला रिलीज झाला. या चित्रपटाच्या माध्यमातून हृतिक अन् दीपिकाने बॉक्स ऑफिसवर वेगळी छाप उमटवली आहे. प्रजासत्ताक दिनाच्या पार्श्वभूमीवर हा चित्रपट रिलीज झाला. चित्रपटाला प्रजासत्ताक दिनाच्या दिवशी आणि विकेंडला उत्तम प्रतिसाद मिळताना दिसत आहे. अशातच चित्रपटाला प्रदर्शनाच्या चौथ्या दिवशी अर्थातच रविवारी उत्तम प्रतिसाद मिळालेला आहे. चला तर जाणून घेऊया चित्रपटाच्या चौथ्या दिवसाच्या कमाईबद्दल...

'फायटर'ने पहिल्या दिवशी दिलासादायक कमाई केली. चित्रपटाने २२.५ कोटींची दमदार कमाई केली आहे. २६ जानेवारीला म्हणजेच प्रदर्शनाच्या दुसऱ्या दिवशी चित्रपटाने ३९.५ कोटींची कमाई केली. यानंतर, शनिवार आणि रविवारी चित्रपटाची कमाई कमी झालेली पाहायला मिळत आहे. sacnilk च्या मते, चित्रपटाने शनिवारी २७.५ कोटी रुपये कमावले होते, तर रविवारी २८.५० कोटी रुपये कमाई केली आहे.

चित्रपटाने एकूण चार दिवसांमध्ये ११८ कोटींची कमाई केली आहे. चित्रपटाला जरीही संमिश्र प्रतिसाद मिळत असला तरीही चित्रपटाची सोशल मीडियावर जोरदार चर्चा होत आहे. सिद्धार्थ आनंद दिग्दर्शित ‘फायटर’ चित्रपटही २०२४ मधील बेस्ट ओपनर चित्रपटांच्या यादीत सामील होईल, अशी चाहत्यांमध्ये चर्चा होती. पण असं काही घडलेलं दिसून येत नाही. चित्रपटाने गेल्या वर्षी रिलीज झालेल्या 'पठान'चा रेकॉर्डही ब्रेक केलेला नाही. ‘पठान’ने बॉक्स ऑफिसवर पहिल्या दिवशी ५७ कोटींची कमाई केली. अशाच अपेक्षा चाहत्यांच्या ‘फायटर’कडूनही होत्या, पण चाहत्यांच्या ह्या अपेक्षाभंग झालेल्या दिसत आहे.

प्रजासत्ताक दिनाच्या मुहूर्तावर अर्थात २५ जानेवारीला चित्रपट थिएटरमध्ये रिलीज झाला आहे. चित्रपटात हृतिक रोशनसोबत दीपिका पदुकोण, अनिल कपूर मुख्य भूमिकेत दिसणार आहे. सोबतच ऋषभ साहनी, अक्षय ओबेरॉय, करण सिंग ग्रोवर, आकर्ष अलग आणि संजीदा शेख ही स्टारकास्ट सुद्धा चित्रपटामध्ये मुख्य भूमिकेत दिसणार आहे. फायटरचे दिग्दर्शन सिद्धार्थ आनंद यांनी केले असून वायकॉम 18 स्टुडिओच्या बॅनरखाली चित्रपटाची निर्मिती केली आहे.