आज मध्यरात्री भारताने पाकिस्तानवर हल्ला केला आहे. हा हल्ला म्हणजे ऑपरेशन सिंदूर (Operation Sindoor Air Strike) होय. पहलगाम दहशतवादी हल्ल्याचा बदला म्हणून भारताने हा हल्ला पाकिस्तानवर केला. ७ मे रोजी रात्री १.३० वाजताच्या आसपास भारताने पाकिस्तानवर हल्ला केला. भारतीय लष्कराने पाकिस्तानातील 9 दहशतवादी अड्ड्यांवर क्षेपणास्त्रांनी हल्ला केला. या हल्ल्यामध्ये अनेक दहशतवादी मारले गेले. भारताने 9 ठिकाणांवर एअर स्ट्राइक केला. आता यावर बॉलिवूड सेलिब्रेटींनी देखील आपली प्रतिक्रिया देऊन भारताच्या या कामगिरीला पाठिंबा दिला आहे. तसेच भारताचे आणि पंतप्रधान मोदी यांचे कौतुक केले आहे.
बॉलिवूड अभिनेत्री निमरत कौरने इन्स्टाग्रामवर पोस्ट करून ऑपरेशन सिंदूरवर आपली प्रतिक्रिया दिली आहे. तिने कॅप्शनमध्ये लिहिलं की, "आपल्या सैन्यासोबत एकजूट...एक देश. एक ध्येय...जयहिंद"
चित्रपट दिग्दर्शक मधुर भांडारकर यांनी ट्विट करून ऑपरेशन सिंदूरला पाठिंबा दिला आहे. त्यांनी लिहिलं की, "आमच्या प्रार्थना आमच्या सैन्यासोबत आहेत. एक राष्ट्र, तुमच्यासोबत एकत्र आम्ही उभे आहोत. जय हिंद, वंदे मातरम..."
बॉलिवूड अभिनेते परेश रावल यांनी ऑपरेशन सिंदूरवर आपली प्रतिक्रिया दिली आहे. त्यांनी ऑपरेशन सिंदूर, भारतीय सशस्त्र सेना आणि पंतप्रधान नरेंद्र मोदींचे आभार मानले आहेत.
बॉलिवूड अभिनेते अनुपम खेर यांनी ट्विट करत ऑपरेशन सिंदूरवर आपली प्रतिक्रिया दिली. ते म्हणाले, "भारत माता की जय!ऑपरेशन सिंदूर"
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.