Hina Khan : 'आयुष्यात आलेला वाईट क्षणही...', कॅन्सरचं निदान झाल्यानंतर हिना खानची नवी पोस्ट चर्चेत

‘ये रिश्ता क्या कहलाता है’ फेम हिना खान सध्या तिच्या हेल्थमुळे चर्चेत आली आहे. अनेकदा सोशल मीडियावर तिला कॅन्सर झाल्याच्या चर्चाही समोर आल्या होत्या. गेल्या काही दिवसांपूर्वी तिने इन्स्टाग्रामवर पोस्ट शेअर करत चाहत्यांना तिला ब्रेस्ट कॅन्सर झाल्याचे सांगितले. आता त्यानंतर अभिनेत्रीने आणखी एक इन्स्टा स्टोरी शेअर केलेली आहे.

अभिनेत्री हिना खान हिने काही तासांपूर्वीच एक इन्स्टा स्टोरी शेअर केलेली आहे. “आयुष्यात आलेला हा खडतर टप्पादेखील निघून जाईल” असं म्हणत हिनाने एक स्टोरी शेअर केली आहे. आणि पुढे एक स्माईली आणि हार्ट इमोजी काढले आहे. रणबीर कपूरच्या ‘संजू’ चित्रपटातील ‘कर हर मैदान फतेह’ गाणं लावून ही पोस्ट शेअर केली आहे.

शुक्रवारी २९ जून रोजी अभिनेत्रीने तिच्या इन्स्टाग्रामवर आजाराबाबत चाहत्यांसह मित्रांना माहिती देत पोस्ट शेअर केली. हिनाला ब्रेस्टचा तिसऱ्या टप्प्यातील कर्करोग झाल्याची माहिती तिने दिली आहे. सध्या अभिनेत्रीवर आजारा संबंधित उपचार सुरू असून ती बरी आहे. या कठीण काळात तिच्या पाठीशी विशेष तिची फॅमिली उभी राहिली आणि त्यांनी तिला विशेष पाठिंबा दिल्याचे तिने सांगितले.

हिना खान हिला "ये रिश्ता क्या कहलाता" मालिकेतून विशेष ओळख मिळाली आहे. या शोमध्ये तिने सुसंस्कृत सुनेची भूमिका साकारली. तिच्या कॅरेक्टरचं नाव अक्षरा असं आहे. त्यानंतर हिना "बिग बॉस 11" मध्येही दिसली होती. बिग बॉसमुळेही तिला विशेष लोकप्रियता मिळाली. टेलिव्हिजन शो व्यतिरिक्त, तिने वेब शो आणि चित्रपटांमध्ये काम केले आहे. हिना खानने अनेक म्युझिक व्हिडिओंमध्येही काम केले आहे.