Deva Box Office Collection : ॲक्शनचा धमाका 'देवा', पहिल्या दिवशी किती कोटींची कमाई?

'स्काय फोर्स'ला टक्कर देण्यासाठी आता 'देवा' चित्रपटगृहात दाखल झाला आहे. बॉलिवूड अभिनेता शाहिद कपूरचा 'देवा'चित्रपट (31 जानेवारी) ला प्रेक्षकांच्या भेटीला आला. या चित्रपटाने पहिल्या दिवसात किती कोटींची कमाई केली जाणून घेऊयात. 'देवा' (Deva) चित्रपटात शाहिद कपूरसोबत (Shahid Kapoor) पूजा हेगडे देखाल मुख्य भूमिकेत आहे. हा चित्रपट ॲक्शनचा धमाका आहे.

'देवा' पहिल्या दिवसाची कमाई?

मीडिया रिपोर्टनुसार, शाहिद कपूरच्या 'देवा' चित्रपट पहिल्या दिवशी 5 कोटी रुपयांची कमाई केली आहे. 'देवा' चित्रपटाचे प्रमोशनही खूप तगडे झाले होते. 'देवा' चित्रपट वीकेंडला आपली जादू दाखवण्यास यशस्वी ठरतो का? हे पाहणे मनोरंजक ठरणार आहे. मीडिया रिपोर्टनुसार, शाहिद कपूरच्या 'देवा' चित्रपटाने ॲडव्हान्स बुकिंगमध्ये जवळपास 1.67 कोटी रूपयांची कमाई केली आहे.

बॉलिवूडचा सुपरस्टार शाहिद कपूर नेहमी आपल्या दमदार अभिनयासाठी ओळखला जातो. त्याने आजवर अनेक हिट चित्रपट केले आहेत. 'देवा' चित्रपटात शाहिद कपूरचा हटके स्वॅग दाखवण्यात आला आहे. शाहिद कपूरचा देवा' चित्रपट 85 कोटी बजेटमध्ये बनला आहे. बुधवारी ॲडव्हान्स बुकिंगला सुरुवात करण्यात आली होती. चित्रपटाच्या टीझर आणि ट्रेलरने चाहत्यांमध्ये चित्रपट पाहण्यासाठी उत्सुकता पाहायला मिळत आहे.

'देवा' चित्रपटात शाहिद कपूर पोलिसाच्या भूमिकेत पाहायला मिळत आहे. तर पूजा हेगडे पत्रकाराच्या भूमिकेत दिसत आहे. या चित्रपटाचे दिग्दर्शन रोशन एंड्रयूज यांनी केले आहे.