Sky Force Worldwide Collection : बॉलिवूडच्या खिलाडीचा जगभरात धुमाकूळ, 'स्काय फोर्स'नं आतापर्यंत कमावले 'इतके' कोटी

बॉलिवूडचा खिलाडी अक्षय कुमारचा 'स्काय फोर्स' (Sky Force) सध्या बॉक्स ऑफिसवर धुमाकूळ घालत आहे. हा चित्रपट रिलीज होऊन आता चार दिवस झाले आहे. 'स्काय फोर्स' 24 जानेवारीला प्रेक्षकांच्या भेटीला आला. या चित्रपटाने चार दिवसात बंपर कमाई केली आहे. अक्षय कुमारने (Akshay Kumar) धमाक्यात नवीन वर्षाची सुरूवात केली आहे. 'स्काय फोर्स'ने आतापर्यंत जगभरात किती कोटींची कमाई केली जाणून घ्या.

'स्काय फोर्स'ने जगभरात किती कमावले?

'स्काय फोर्स' चित्रपटाने देशांतर्गत 68.5 कोटी रुपयांची कमाई केली आहे. तर जगभरात 81 कोटी रुपये कमावले आहे. मात्र मॅडॉकच्या रिपोर्टनुसार, 'स्काय फोर्स'चित्रपटाने देशांतर्गत 70 कोटी रुपयांचा टप्पा ओलांडला आहे तर जगात 92.90 कोटी रुपये कमावले आहे.

'स्काय फोर्स' 4 दिवसांचे कलेक्शन

• पहिला दिवस- 15.30 कोटी

• दुसरा दिवस- 26.30 कोटी

• तिसरा दिवस- 31.60 कोटी

• चौथा दिवस – 8.10 कोटी

अक्षय कुमारसोबत 'स्काय फोर्स'मध्ये वीर पहारिया (Veer Pahariya) मुख्य भूमिकेत पाहायला मिळत आहे. अक्षय आणि वीरने आपल्या दमदार अभिनयाने प्रेक्षकांचे मन जिंकले आहे.'स्काय फोर्स' हा चित्रपट 160 कोटींच्या बजेटमध्ये बनला आहे. 'स्काय फोर्स' चित्रपटातून वीर पहारिया याने बॉलिवूडमध्ये पदार्पण केले आहे. वीर पहारिया हा महाराष्ट्राचे माजी मुख्यमंत्री सुशील कुमार शिंदे यांचा नातू आहे.

'स्काय फोर्स' हा ॲक्शन चित्रपट आहे. या चित्रपटाच्या पार्श्वभूमी देशभक्ती आहे. भारत-पाकिस्तान हल्ल्याची कथा यात सांगण्यात आली आहे. अक्षय कुमार आणि वीरसोबतच या चित्रपटात सारा अली खान, निम्रत कौर हे कलाकारही पाहायला मिळत आहेत. स्काय फोर्सची कथा 1965 झालेल्या भारत-पाक युद्धावर आधारित आहे.