Bigg Boss Marathi 6 : शॉकिंग Eviction! बिग बॉसच्या घरातून 'या' सदस्याचा पत्ता कट? चाहत्यांना मोठा धक्का

बिग बॉसच्या घरात आज (रविवारी 1-2-2026) भाऊचा धक्का गाजणार आहे. रितेश भाऊंनी घरातील सदस्यांची त्यांच्या आठवड्याभराच्या वागणुकीवरून चांगलीच शाळा घेतली आहे. बिग बॉसच्या दुसऱ्या आठवड्यात नृत्यांगना राधा पाटीलने घराचा निरोप घेतला. आता या आठवड्यात कोण घराबाहेर जाणार हे पाहणे महत्त्वाचे ठरणार आहे. 'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळणार आहे.

तिसऱ्या आठवड्यात बिग बॉसच्या घरातून एकूण 8 सदस्य नॉमिनेट झाले आहेत. त्यांची यादी खालील प्रमाणे-

• दिपाली सय्यद

• विशाल कोटियन

• प्रभू शेळके

• प्राजक्ता शुक्रे

• करण सोनावणे

• सोनाली राऊत

• ओमकार राऊत

• रुचिता जामदार

बिग बॉसच्या घरातून कोण गेले बाहेर?

बिग बॉसची माहिती देणाऱ्या अकाऊंटवरून असे बोले जात आहे की, तिसऱ्या आठवड्यात सोनाली राऊतने बिग बॉसच्या घराला रामराम ठोकला आहे. यामुळे चाहत्यांना मोठा धक्का बसला आहे. बिग बॉस सुरू झाल्यापासून सोनालीने आपल्या ड्रामाने प्रेक्षकांना खूप हसवले आहे. बिग बॉसच्या घरात सोनाली ग्लॅमरचा तडका होती. मीडिया रिपोर्टनुसार, कमी मतांमुळे सोनाली राऊतला घराबाहेर जावे लागले.

एक चूक पडली महागात

'शेणाचं दार अन् मेणाचं दार' हा कॅप्टन्सी टास्क सोनाली राऊत खेळली नाही. त्यामुळे बिग बॉसने तिला पुढच्या आठवड्यासाठी थेट नॉमिनेट केले. या मुद्द्यावरून रितेश भाऊ सोनालीला मागील भाऊच्या धक्क्यावर चांगले सुनावले होते. रितेश भाऊ सोनालीला म्हणतात की, "सोनाली तुम्ही ठरवलं, की त्या शेणाच्या दाराखाली तुम्ही नाही उभ्या राहणार... मग, तुम्ही आलात कशाला येथे? टास्क खेळायला आलात ना तुम्ही..." त्यावर सोनाली म्हणते की, "पण मला जे वाटलं..." इतक्यात रितेश भाऊ सोनालीला थांबवत म्हणतो की, "ओ एक मिनिट, हा Attitude ना तुमच्या घरी ठेवायचा. या घरात नाही...इथे सगळे सारखे आहेत. यावेळी नॉमिनेट केलंय... पुढच्या वेळेस घराच्या बाहेर काढेन..."