Dipali Sayyed : दिपाली सय्यद यांची नवी सुरुवात; व्यवसाय क्षेत्रात पदार्पण, पाहा VIDEO

मराठी मनोरंजनसृष्टी गाजवणारी अभिनेत्री दिपाली सय्यद (Dipali Sayyed) यांनी आपल्या नवीन प्रवासाला सुरुवात केली आहे. दिपाली सय्यद यांनी हिंदी, मराठी चित्रपटांत काम केले आहे. तसेच अनेक मालिका, जाहिराती आणि नाटकांमध्ये देखील त्यांनी कमालीचा अभिनय केला आहे. सध्या त्या एका वैयक्तिक कारणांमुळे चर्चेत आल्या आहेत. दिपाली सय्यद यांनी नवीन वर्षाची दमदार सुरुवात केली आहे.

नववर्षाच्या निमित्ताने अभिनेत्री दिपाली सय्यद यांनी स्वतःचे नवे हॉटेल सुरू केलं आहे. या माध्यमातून त्यांनी व्यवसाय क्षेत्रात पदार्पण केले आहे. त्यांनी त्यांचे नवीन हॉटेल साईबाबांच्या शिर्डीत सुरू केले आहे. दिपाली सय्यद यांनी आपल्या नवीन हॉटेलचे नाव खूप हटके ठेवले आहे. 'मनी हॉटेल अँड रेस्टॉरंट' असे त्यांच्या हॉटेलचे नाव आहे.

आतापर्यंत अनेक मोठ्या नेत्यांनी दिपाली सय्यद यांच्या हॉटेलला भेट दिली आहे. दिपाली सय्यद यांनी आपल्या हॉटेलची झलक दाखवणारा एक व्हिडीओ शेअर केला आहे. याला त्यांनी खूप खास कॅप्शन दिलं आहे. त्यांनी लिहिलं की, "नवीन सुरुवात..." दिपाली सय्यद यांच्या या पोस्टवर अनेक कलाकारांकडून आणि चाहत्यांकडून शुभेच्छा आणि प्रेमाचा वर्षाव होत आहे.

दिपाली सय्यद यांनी शेअर केलेल्या व्हिडीओमध्ये हॉटेलची एक झलक पाहायला मिळत आहे. ज्यातून हॉटेलचे इंटिरियर खूप हटके असल्याचे दिसत आहे. अभिनेत्री दिपाली सय्यद यांचे आजवर अनेक चित्रपट गाजले आहेत. यात लग्नाची वरात लंडनच्या दारात आणि मुंबईचा डबेवाला हे चित्रपट खूप प्रसिद्ध झाले आहेत. दिपाली सय्यद यांचा मोठा चाहता वर्ग आहे.