Bigg Boss Marathi 6 : "तोंड शेणात घाल..."; बिग बॉसच्या पहिल्याच दिवशी तन्वी कोलते अन् रुचिता जामदार यांच्यात राडा; पाहा VIDEO

'बिग बॉस मराठी ६' ला सुरूवात झाली आहे. पहिल्याच दिवशी बिग बॉसने घरातील सदस्यांना घरा बाहेर काढून घराचे दार बंद केले. ज्यामुळे सदस्यांची चांगली तारांबळ उडाली. आता बिग बॉसने नवीन प्रोमो शेअर केला आहे. ज्यात घरातील सदस्य भांडताना दिसत आहे. नेमकं प्रकरण काय, जाणून घेऊयात.

बिग बॉसच्या घरात पहिले भांडण झाले आहेत. रुचिता जामदार आणि करण सोनवणे यांच्यात मोठा वाद होतो. ज्याचा प्रोमो बिग बॉसने शेअर केला आहे. ज्याला त्यांनी एक खास कॅप्शन दिलं आहे. लिहिलं की, "पहिल्याच दिवशी रंगणार तन्वी आणि रुचिता यांच्यामध्ये वाद..." या व्हिडीओवर प्रेक्षकांकडून कमेंट्सचा वर्षाव होत आहे. बिग बॉसचा खेळ हळूहळू रंगताना दिसत आहे.

व्हिडीओमध्ये तुम्ही पाहू शकता की, रुचिता जामदार आणि करण सोनवणे एकमेकांशी बोलत असतात. करण रुचिताला म्हणतो की, आपण स्विमिंग पुलमध्ये जातो तेव्हा थोडं पाणी पितोच ना...मग तुम्ही फालतूमध्ये..." त्यानंतर तो घाबरल्याचा अभिनय करतो. जे पाहून रुचिता हसते. हे पाहिल्यावर तन्वी तिथे येते आणि म्हणते की, फालतूमध्ये म्हणू नकोस...त्यावर रुचिता म्हणते, "तुम्ही लोक ना शस्त्र घेऊन आहात... " त्यानंतर दोघीही जोरात भांडायला लागतात. तन्वी रुचिताला म्हणते की, "ती मर्यादा क्रॉस करू नकोस..." त्यावर रुचिता म्हणते, "बिनडोक, तुझं तोंड शेणात घाल..."

घरातील सदस्य दोघींचे भांडण मिटवण्याचा प्रयत्न करत आहेत. आता हा वाद कोणत्या दिशेला जाणार हे पाहणे महत्त्वाचे ठरणार आहे.'बिग बॉस मराठी ६' हा सीझन 100 दिवसांचा असणार आहे. यंदाची थीम 'दार उघडणार आणि नशिबाचा खेळ पालटणार...' आहे. 'बिग बॉस मराठी ६' हा शो रात्री 8 वाजता 'कलर्स मराठी' आणि ‘जिओहॉटस्टार’वर पाहायला मिळणार आहे.