Bigg Boss Marathi 6 : बिग बॉसच्या घरातून 'तिचा' पत्ता कट्ट; 2 महिन्यात प्रवास संपला, धक्कादायक एलिमिनेशन

'बिग बॉस मराठी 6' च्या (Bigg Boss Marathi 6) घरात राखी सावंतनंतर तीन वाइल्ड कार्ड सदस्यांची एन्ट्री झाली. या आठवड्यात संकेत पाठक घराचा नवा कॅप्टन बनला आहे. ९व्या आठवड्यात नॉमिनेशन टास्कमध्ये घरातून आलेली पत्रे पाहायला मिळाली. कुटुंबियांच्या पत्राने ठरवले की, कोण नॉमिनेट होणार आणि कोण सुरक्षित राहणार.

बिग बॉसच्या घरातून ९व्या आठवड्यात एकूण सहा सदस्य नॉमिनेट झाले आहेत. त्यांची नावे पुढील प्रमाणे-

• संकेत पाठक

• तन्वी कोलते

• प्राजक्ता शुक्रे

• दिपाली सय्यद

• रेवा कौरासे

• अनुश्री माने

आज भाऊच्या धक्क्यावर प्राजक्ता शुक्रे घराचा निरोप घेणार असल्याची चर्चा सोशल मीडियावर रंगली आहे. तिला सर्वात कमी मते मिळाल्यामुळे तिचा घरातील प्रवास येथेच थांबला आहे. संपूर्ण प्रवासात प्राजक्ताने आपल्या सुरेल आवाजाने प्रेक्षकांची मने जिंकली. ती गेले अनेक आठवडे सतत नॉमिनेट झाली होती. प्राजक्ता घरात वैयक्तिकरित्या गेम खेळताना दिसली. तिचे बिग बॉसच्या घरात करण सोनावणेसोबत चांगली नाते दिसले. प्राजक्ता शुक्रे 'बिग बॉस मराठी 6'ची पहिली कॅप्टन झाली होती.

भाऊचा धक्का

आज भाऊच्या धक्क्यावर रितेश देशमुख संकेत पाठक, राखी सावंत आणि राकेश यांची शाळा घेताना दिसणार आहे. मात्र अद्याप 'बिग बॉस मराठी 6'मधून आज भाऊच्या धक्क्यावर कोण घराचा निरोप घेणार हे अधिकृतरित्या जाहीर झाले नाही. त्यामुळे आजचा भाऊचा धक्का खूपच गाजणार आहे. 'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळतो.