Bigg Boss Marathi 6 : "मस्तीत नाही शिस्तीत राहायचं..."; अनुश्रीवर संतापला रितेश भाऊ, कठोर शब्दात केली कानउघडणी-VIDEO

बिग बॉसचे चाहते शनिवार-रविवारची आतुरतेने वाट पाहत असतात. या आठवड्यात भाऊच्या धक्क्यावर चांगलाच राडा होणार आहे. रितेश देशमुख घरातील सदस्यांची शाळा घेणार आहे. नुकताच भाऊच्या धक्क्याचा एक व्हिडीओ समोर आला आहे. ज्यात रितेश अनुश्रीला चांगलेच झापताना दिसत आहे. 'बिग बॉस मराठी'च्या घरात गेल्या आठवड्यात बरेच भांडणे, राडा पाहायला मिळाले. तसेच शाब्दिक चकमक पाहायला मिळाली. काही सदस्यांनी नियम तोडले तर काहींची मैत्री तुटली. घरात सदस्य एकमेकांवर आरोप - प्रत्यारोप करताना सदस्य दिसले.

राकेश बापटने साकारलेल्या गणपतीच्या मूर्तीचे आणि प्राजक्ताच्या भजनाचे संपूर्ण महाराष्ट्राने कौतुक केले. आज भाऊच्या धक्क्यावर रितेश देशमुख चांगलाच संतापणार आहे. प्राजक्तावर दादागिरी करणाऱ्या अनुश्रीला रितेश भाऊ शब्दिक दणका देणार आहेत. भाऊच्या धक्क्यावर रितेश भाऊ आल्यावर सगळ्यांचीच बोलती बंद होते. रितेश भाऊ कोणाचे कौतुक करणार तर कोणाची शाळा घेणार हे पाहणे महत्त्वाचे ठरेल.

अनुश्री आणि प्राजक्ता यांच्यातील वादाने प्रेक्षकांचे लक्ष वेधून घेतले होते. प्राजक्ताशी बोलताना अनुश्रीचा आक्रमक आणि दादागिरीचा सूर पाहून घरातील वातावरण अधिकच तापलेले दिसले. प्रोमोमध्ये रितेश भाऊ अनुश्रीच्या वागणुकीवर नाराजी व्यक्त करताना आणि तिला जाब विचारताना दिसणार आहे.रितेश देशमुख म्हणतो की, "अनुश्री तुम्ही मला सांगा...प्राजक्ता जेव्हा दिपालीला घेऊन आल्या तेव्हा तुम्ही काय म्हणालात? आईला घेऊन आलीस...जा आता बाबांना घेऊन ये...ये लक्ष येथे, भावाला आणलाय सांगा आता काय सांगणार... हे बिग बॉसचे घर आहे इथे मस्तीत नाही शिस्तीत राहायचे..."

आता अनुश्री खेळात काय बदल करते, हे पाहणे मनोरंजक ठरणार आहे. तसेच या आठवड्यात कोण घराचा निरोप घेणार याकडे अवघ्या महाराष्ट्राचे लक्ष लागून आहे. तसेच घरातील समीकरणे बदलताना दिसणार आहेत. 'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळणार आहे.