बिग बॉस मराठीचा (Bigg Boss Marathi) ग्रँड फिनाले नुकताच पार पडला आहे. सूरज चव्हाणने बिग बॉस मराठी 5 ची ट्रॉफी उचलली आहे. शो जिंकल्यामुळे सूरजचं सर्वत्र कौतुक होताना पाहायला मिळत आहे. त्याला बिग बॉसच्या ट्रॉफीसोबत 14.6 लाख रुपये मिळाले.
बारामतीजवळच्या मोढवे गावात राहणाऱ्या सूरजची आता संपूर्ण महाराष्ट्रभर चर्चा पाहायला मिळत आहे. बिग बॉसच्या विजयानंतर सूरज (Suraj Chavan ) अनेक मुलाखती देताना पाहायला मिळत आहे. त्याच्याबाबत जाणून घेण्यासाठी सर्वजण खूप उत्सुक आहेत. त्यांच्यावर प्रश्नांचा भडीमार होत आहे. सूरजने एका मीडियाला दिलेल्या मुलाखतीत आपल्या लग्नासंबंधित काही गोष्टींचा खुलासा केला आहे.
सूरजला मुलाखतीत विचारलं की, तुझा लग्नाचा काय प्लान आहे? त्यावर सूरज बोला की, "करायचं आहे पण लगेच नको. कारण संसाराला लागलो की कामाला लक्ष देता येत नाही. पण करायचंय तर आहे." त्यानंतर सूरजला कशी मुलगी हवी हे सांगितले आहे. तो म्हणाला की, "मला चांगली शिकलेली मुलगी हवी. तिचा माझ्यावर खूप विश्वास पाहिजे. तसेच मला समजून घेणारी आणि शांत स्वभावाची साधी साडी नेसणारी मुलगी मला हवी. मला दुसरे ड्रेस घालणाऱ्या मुली आवडत नाही. मला डोक्यावर पदर घेणाऱ्या मुली आवडतात आणि गावाकडेची साधी मुलगी हवी. "
सूरज खूप वाईट परिस्थितीतून वर आला आहे. त्याचे आई-वडील लहानपणीच वारले. त्याला पाच बहिणी आहेत. सूरजला त्यांनीच सांभाळले आहे. तो सोशल मीडियावर तो रील बनवत होता. आता सूरज 'बिग बॉस'च्या नावाच घर देखील बांधणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.