Suraj Chavan : 'बिग बॉस मराठी'चा विजेता झाला बाबा! जन्माष्टमीच्या मुहूर्तावर घरी आली लक्ष्मी, VIDEO व्हायरल

मनोरंजन विश्वातून आनंदाची बातमी समोर आली आहे. 'बिग बॉस मराठी ५'चा विजेता सूरज चव्हाणने चाहत्यांना आनंदाची बातमी दिली आहे. कृष्ण जन्माष्टमीच्या शुभ मुहूर्तावर ( ४ सप्टेंबर २०२६) मराठमोळ्या अभिनेत्याच्या घरी पाळणा हलला आहे. गुलीगत किंग सूरज चव्हाण बाबा झाला आहे. जन्माष्टमीच्या दिवशी सूरजच्या घरी लक्ष्मीचे आगमन झाले आहे. संजणाने गोंडस लेकीला जन्म दिला आहे. ही माहिती देणारा व्हिडीओ सोशल मीडियावर तुफान व्हायरल होत आहे.

सूरज चव्हाण बाबा होणार असल्याची माहिती सूरजची मानलेली बहीण आणि मराठमोळी अभिनेत्री जान्हवी किल्लेकरने दिली होती. संजनाची चोरओटी भरल्याचा जान्हवीने व्हिडीओ शेअर केला होता. व्हायरल व्हिडीओत तुम्ही पाहू शकता की, संजना "आमच्या घरी राधा आलीये" असे म्हणत आनंद व्यक्त करताना दिसत आहे.

संजनाची डिलिव्हरी झाल्यानंतर हॉस्पिटलमधला एक व्हिडीओ समोर आलाय. व्हायरल व्हिडीओत तुम्ही पाहू शकता की, लेक झाल्याचा आनंद सूरज-संजनाला गगनात मावेनासा झाला आहे. सूरज संजनाला प्रेमाने जवळ घेतो आणि तिच्या तब्येतीची विचारपूस करताना दिसत आहे. हॉस्पिटलमध्ये नातेवाईकांची गर्दी पाहायला मिळत आहे. सूरज आणि संजना आई-बाबा झाल्याचे समजताच चाहते सोशल मीडियावर कमेंट्सचा, शुभेच्छांचा वर्षाव करत आहे. त्यांना नवीन प्रवासासाठी शुभेच्छा देत आहेत.

आता सूरज आणि संजना आपल्या लेकीचे नाव काय ठेवणार प्रेक्षक याची वाट पाहत आहेत. गुलीगत किंग सूरज चव्हाण आणि संजना २९ नोव्हेंबर २०२५ लग्न बंधनात अडकले. त्याचा शाही विवाह सोहळा बारामतीत पार पडला. सूरज चव्हाण हा सोशल मीडिया इन्फ्लुएन्सर आहे. त्याला 'बिग बॉस मराठी ५' मुळे लोकप्रियता मिळाली.