'Bigg Boss 19'मध्ये मिड-वीक एविक्शनचा धक्का; निलम, अभिषेकनंतर बिग बॉसने 'या' सदस्याला दाखवला बाहेरचा रस्ता

सलमान खानचा 'बिग बॉस 19' शो आता शेवटच्या टप्प्यावर आला आहे. गेल्या आठवड्यात 'वीकेंड का वार' डबल एलिमिनेशन पार पडले आहे. निलमसोबत अभिषेक बजाज देखील घराबाहेर पडला आहे. अभिषेक बजाजच्या एक्झिटनंतर चाहत्यांना आणि घरातील सदस्यांना मोठा धक्का बसला आहे. अशात आता 'बिग बॉस 19' च्या घरात मिड-वीक एविक्शन पार पडले आहे.

मीडिया रिपोर्टनुसार, मिड-वीक एविक्शनमध्ये घरातील सदस्य असेंब्ली रूमध्ये एकत्र आले. आपले मत देऊन त्यांनी घरातील एका सदस्याला बाहेर काढले. यात फरहाना भट्ट आणि मृदुल तिवारीचे नाव आघाडीवर पाहायला मिळाले. कमी मते मिळाल्यामुळे घरातील एका सदस्याचा प्रवास संपला आहे. घरातून कोण बाहेर गेला, जाणून घेऊयात.

'बिग बॉस 19' ची महिती देणाऱ्या सोशल मिडिया पेजप्रमाणे घरात मिड-वीक एविक्शन पार पडले आहे. यात मृदुल तिवारीचा पत्ता कट झाला आहे. मिड-वीक एविक्शनमध्ये मृदुल तिवारी 'बिग बॉस 19' च्या घरातून बाहेर झाला आहे. मृदुल तिवारीच्या गेम पाहून बिग बॉसचा होस्ट सलमान खानने त्याला अनेक वेळा सुधारण्याचा सल्ला दिला होता. मात्र वारंवार सल्ला देऊनही त्यांच्या खेळात कोणताही बदल दिसला नाही. तो स्वतंत्रपणे खेळत नाही. स्वतःची मते मांडत नाही. यावरून सलमानने मृदुल तिवारीला सुनावले होते.

आता बिग बॉसच्या घरात 9 सदस्य उरले आहेत. यात गौरव खन्ना, फरहाना भट्ट, कुनिका सदानंद, तान्या मित्तल, अमाल मलिक, शाहबाज बदेशा, अशनूर कौर, प्रणित मोरे, मालती चहर यांचा समावेश आहे. आता येणाऱ्या 'वीकेंड का वार' मध्ये बिग बॉसच्या घरातून कोण बाहेर जाणार हे पाहणे महत्त्वाचे ठरणार आहे.