Bigg Boss 19-Tanya Mittal : तान्या मित्तलवर फसवणुकीचा आरोप, अटक होणार? वाचा नेमकं प्रकरण काय

'बिग बॉस 19' चा (Bigg Boss 19) खेळ दिवसेंदिवस अधिक मनोरंजक होत आहे. या शोमधील स्पर्धक तान्या मित्तल (Tanya Mittal) पहिल्या दिवसापासून चांगली चर्चेत आहे. ती घरात आपल्या श्रीमंतीच्या गोष्टी सांगताना दिसते. अनेक दावे करताना ती दिसते. त्यामुळे तिला सोशल मीडियावर अनेकदा ट्रोल केले जात आहे. अशात आता तान्या मित्तल बद्दल मोठी अपडेट समोर आली आहे. तान्या मित्तलवर फसवणुकीचा आरोप करण्यात आला आहे.

मीडिया रिपोर्टनुसार, तान्या मित्तल विरुद्ध ग्वाल्हेर एसएसपी कार्यालयात तक्रार दाखल करण्यात आली आहे. ही तक्रार मुंबईतील फैजान अंसारी याने केली आहे. तान्या मित्तलवर पैशांची फसवणूक केल्याचे आरोप करण्यात आले आहे. तसेच 'बिग बॉस 19'च्या घरात तान्या मित्तलने वैयक्तिक आयुष्यामुळे आणि बिझनेसबद्दल अनेक खोट्या गोष्टी सांगितल्या आहेत. त्यामुळे तिला अटक करावी असे तक्रारीत म्हटले आहे.

तान्या मित्तलने बॉयफ्रेंडला तुरुंगात देखील पाठवले होते. 'बिग बॉस 19' सुरू झाले तेव्हा सर्वात आधी तान्याच्या एक्स बॉयफ्रेंड बलराज सिंहने तिच्या खोटेपणा विषयी बोलला होता. आता पोलीस तान्या मित्तल विरोधात कोणती कारवाई करणार हे पाहणे महत्त्वाचे ठरणार आहे. तान्या मित्तलला 'बिग बॉस 19'चा शो सोडावा लागणार असल्याची चर्चा सोशल मीडियावर रंगली आहे.

कोण आहे तान्या मित्तल?

तान्याने 'मिस एशिया टूरिझम युनिव्हर्स 2018 ' ही सौंदर्य स्पर्धा जिंकली. ती एक करोड उद्योजकांपैकी एक आहे. तान्या मित्तलने 500 रुपयांपासून सुरुवात करून 'हँडमेड विथ लव्ह बाय तान्या' या हस्तकला ब्रँडची स्थापना केली. तान्या मित्तल तरुण करोडपती उद्योजकाचा किताब मिळाला. मीडिया रिपोर्टनुसार, तान्या मित्तलची एकूण संपत्ती 2 कोटी रुपयांच्या जवळपास आहे. तान्या एक फॅशन इन्फ्लूएन्सर आहे. तसेच तिला एक उत्तम लेखिका आणि कवयित्री म्हणून ओळखले जाते.