Nehal Vadoliya : बॉयफ्रेंड बाथरूममध्ये गेल्यावर डायरेक्टरने किस केला, अभिनेत्रीचा धक्कादायक आरोप

सुप्रसिद्ध दिग्दर्शक सुभाष घई (Subhash Ghai) सध्या त्याच्या वैयक्तिक आयुष्यामुळे चांगले चर्चेत आले आहेत. त्यांच्यावर एका अभिनेत्रीने गंभीर आरोप केले आहेत. सुभाष घई हे 80 आणि 90 च्या दशकातील प्रसिद्ध नाव आहे. त्यांनी अनेक सुपरहिट चित्रपटांचे दिग्दर्शन केले आहे.

गलाटा इंडियाला दिलेल्या मुलाखतीत नेहल वडोलियाने (Nehal Vadoliya) सुभाष घई यांनी तिला पार्टीच्या बहाण्याने घरी बोलावून तिचा गैरफायदा घेण्याचा गंभीर आरोप केला आहे. या आरोपाने मनोरंजनसृष्टीत खळबळ उडाली आहे. नेहल म्हणाली की, "मी सुभाष घईच्या मॅनेजरला डेट करत होती. आम्ही भेटत होतो. आमच्यात शारीरिक संबंध नव्हते.एकदा त्याने तुला सुभाष घईंच्या घरी पार्टीत बोलावले. मी गेले. मात्र तेथे सुभाष घई यांनी माझ्यासोबत गैरवर्तन केले. "

पुढे नेहल म्हणाली, "आम्ही एका खोलीत बसून दारू ड्रिंक करत होतो. माझ्या हातून ग्लास पडला. त्यानंतर सुभाष घई मला बाहेर व्ह्यू दाखवण्यासाठी बाल्कनीत घेऊन गेले. तेथे ते माझ्याकडे एकटक पाहू लागेल. ते माझ्या जवळ आले. तेव्हा मला अस्वस्थ वाटले. सुभाष घई मला म्हणाले, तू खूप छान दिसते. तुझी स्माइल गोड आहे. तू इंडस्ट्रीत नाव कमावू शकते. तेव्हा मला विचित्र वाटले. मी थँक यू बोलून तिथून निघून गेले. "

शेवटी नेहल म्हणाली, "मी नंतर वॉशरुमला जाऊन आले. त्यानंतर माझा बॉयफ्रेंड वॉशरुमला गेला. तेव्हा सुभाष घई यांनी माझ्या जवळ येऊन मला किस करण्याचा प्रयत्न केला. त्यांचे ओठ माझ्या गालावर लागले. मी खूप घाबरले. जसा माझा बॉयफ्रेंड बाहेर आला तसे ते घाईघाईत तेथून निघून गेले. मी त्यानंतर हे सर्व बॉयफ्रेंडला सांगितले. त्याच्यावर खूप चिडली. माझा त्याच्यावरून विश्वास उडाला आणि मी ब्रेकअप केले."