Arbaaz Khan Baby Photo : अरबाज-शूराने दाखवली लाडक्या लेकीची पहिली झलक, एकदा फोटो बघाच

परिणीती चोप्रानंतर बॉलिवूड अभिनेता अरबाज खानने (Arbaaz Khan) देखील आपल्या गोंडस मुलीची झलक दाखवली आहे. 8 ऑक्टोबरला अरबाज खान आणि त्याची पत्नी शूरा खानने (Sshura Khan) मुली झाल्याची आनंदाची बातमी चाहत्यांना दिली. आता एका महिन्यानंतर अरबाज-शूराने लेकीची पहिली झलक दाखवली आहे. अरबाज खानच्या लेकीचे नाव सिपारा खान (Sipaara Khan) असे आहे.

अरबाज आणि शूराने एक सोशल मीडियापोस्ट शेअर केली आहे. ज्यात त्यांनी दोन फोटो शेअर केले आहे. यात बाळाचे चिमुकले हात आणि पाय पाहायला मिळत आहेत. पहिल्या फोटोत अरबाज आणि शूराने मुलीचा छोटासा हात पकडला आहे. तर दुसऱ्या फोटोत लेकीने वडिलांचा अंगठा पकडलेला आहे. पोस्टला जोडप्याने हटके कॅप्शन दिलं आहे. त्यांनी लिहिलं की, "इवलेसे हात-पाय आमच्या हृदयाचा सर्वात मोठा भाग..."

शूराने 5 ऑक्टोबर मुलीला जन्म दिला. अरबाज आणि शूराच्या या पोस्टवर चाहते आणि कलाकार मंडळी कमेंट्स, लाइक्सचा वर्षाव करत आहेत. अरबाज-शूराच्या बाळाला पाहायला संपूर्ण खान कुटुंब रुग्णालयात गेले होते. वयाच्या 58 वर्षी अरबाज खान पुन्हा एकदा बाबा झाला आहे. शूरा खान ही अरबाजची दुसरी पत्नी आहे.

अरबाज-शूरा लग्नगाठ

अरबाज खानचे पहिले लग्न मलायका अरोरा 1998 मध्ये झाले. त्यानंतर 2017 मध्ये त्यांचा घटस्फोट झाला. लग्नाच्या 18 वर्षांनी दोघे वेगळे झाले. त्यानंतर 2023 मध्ये अरबाज खानने शूरा खानसोबत लग्नगाठ बांधली. आता दोन वर्षांनी दोघे आई-बाबा झाले आहेत. अरबाज आणि शूराचे लग्नाचे फोटो आणि व्हिडीओ सोशल मीडियावर तुफान व्हायरल झाले.