Ankita Lokhande : अंकिता लोखंडेच्या मोलकरणीच्या मुली बेपत्ता; FIR दाखल, नेमकं प्रकरण काय?

टिव्ही अभिनेत्री अंकिता लोखंडे (Ankita Lokhande) कायम कोणत्या ना कोणत्या कारणामुळे चर्चेत असते. आजवर तिने हिंदी मालिका, चित्रपट आणि अनेक रिॲलिटी शोमध्ये काम केले आहे. आता मात्र अंकिता एका वेगळ्या कारणामुळे चर्चेत आली आहे. अंकिता लोखंडेच्या मोलकरणीच्या मुली बेपत्ता झाल्या आहेत. याची तक्रार पोलिस स्टेशनमध्ये नोंदवण्यात आली आहे. यासंबंधित एक पोस्ट अंकिता लोखंडेने सोशल मीडियावर केली आहे.

अंकिता लोखंडेची पोस्ट

"तातडीची सूचना: बेपत्ता असल्याची सूचना

आमच्या घरातील कामावर असलेली कांता यांची मुलगी आणि तिच्या मुलीची मैत्रीण "सलोनी आणि नेहा" 31 जुलै, सकाळी 10 वाजल्यापासून बेपत्ता आहेत. त्यांना शेवटचे वाकोला परिसरात पाहिले गेले. मालवणी पोलिस ठाण्यात एफआयआर दाखल करण्यात आला आहे, परंतु त्यांचा ठावठिकाणा अद्याप सापडत नाही. ते केवळ आमच्या घराचा भाग नाहीत तर ते आमच्या कुटुंबच आहेत.

आम्हाला खूप काळजी वाटत आहे. विशेषत @mumbaipolice आणि #मुंबईकरांना विनंती आहे की ही माहिती पसरवा आणि त्यांना सुरक्षितपणे परत आणण्यासाठी शक्य ती मदत करावी. जर कोणी काही पाहिले असेल किंवा ऐकले असेल तर कृपया ताबडतोब संपर्क साधा किंवा जवळच्या पोलिस ठाण्यात तक्रार करा.

तुमचा पाठिंबा आणि प्रार्थना ही सध्या सर्वकाही आहे.

विकी आणि अंकिता "

अंकिताने ही पोस्ट शेअर करून नागरिकांना मदतीचे आवाहन केले आहे. अंकिताने पोस्टमध्ये मुख्यमंत्री देवेंद्र फडणवीस, उपमुख्यमंत्री अजित पवार, उपमुख्यमंत्री एकनाथ शिंदे आणि पोलिसांना टॅग केले आहे. अंकिताच्या पोस्टवर नेटकऱ्यांकडून कमेंट्सचा वर्षाव होत आहे. नेटकरी चिंता व्यक्त करताना दिसत आहेत.