Amitabh Bachchan : अमिताभ बच्चन यांच्या 'जलसा' बंगल्यालाही पावसाचा फटका; घरात साचले पाणी, VIDEO व्हायरल

गेले काही दिवसांपासून मुंबईत मुसळधार पाऊस पाहायला मिळत आहे. धो धो पडणाऱ्या पावसाळामुळे अनेक भागांतील शाळांना देखील सुट्टी देण्यात आली. पावसामुळे सर्व सामान्यांचे प्रचंड हाल होताना दिसत आहे. नागरिकांच्या घरात पाणी शिरले, रेल्वे सेवा विस्कळीत झाली. तर नदी- नाले वाहू लागले आहे. पावसाचा फटका बॉलिवूडलाही चांगलाच बसला आहे.

मुंबईत कोसळणाऱ्या पावसामुळे बिग बी अमिताभ बच्चन यांच्या जुहू येथील 'जलसा' बंगल्यातही पाणी शिरले आहे. याचे फोटो आमि व्हिडीओ सोशल मीडियावर प्रचंड व्हायरल होत आहे. व्हायरल व्हिडीओत तुम्ही पाहू शकता की, 'जलसा' बंगल्याच्या परिसरात पाणी साचल्याचे दिसत आहे. सतत पडणाऱ्या पावसामुळे 'जलसा' बंगला जलमय आणि आसपासचा भाग जलमय झाला आहे.

'जलसा' बंगल्याच्या व्हायरल व्हिडीओवर नेटकऱ्यांनी कमेंट्सचा पाऊस पाडला आहे. पावसामुळे नागरिकांना अनेक अडचणींचा सामना करावा लागत आहे. रेल्वे रुळावरही पाणी साचल्याचे पाहायला मिळाले. तसेच अनेक ठिकाणी, जागोजागी पाणी साचले आहे.

अमिताभ बच्चन यांचे आगामी चित्रपट

अमिताभ बच्चन लवकरच 'कल्की २८९८ एडी' च्या सीक्वलमध्ये दिसणार आहे. यानंतर ते रिभू दासगुप्ता दिग्दर्शित 'सेक्शन ८४' या कोर्टरूम ड्रामाही येणार आहे. अमिताभ बच्चन यांच्या चित्रपटाचे चाहते उत्सुकतेने वाट पाहत आहे. अलिकडेच त्यांनी 'कौन बनेगा करोडपती'चा १७ वा सीझन पूर्ण केला आहे.