Akshay Kumar : अक्षय कुमारवर कारवाई; SUV कार पोलिसांकडून जप्त, नेमकं कारण काय?

बॉलिवूड अभिनेता अक्षय कुमार (Akshay Kumar ) अडचणीत आला आहे. अक्षय कुमार एका कार्यक्रमासाठी जम्मूला पोहचला. ज्या कारमधून अक्षय कुमार जम्मूमधल्या कार्यक्रमला पोहचला ती एसयूव्ही कार पोलिसांनी जप्त केली आहे. जम्मू पोलिसांनी दिलेल्या माहितीनुसार, अक्षयच्या गाडीला काळ्या काचा आहेत. जे जम्मूमधील मोटार वाहन कायद्याच्या नियमांविरुद्ध आहे. त्यामुळे अक्षय कुमारच्या गाडीवर कारवाई केली आहे. त्यांनी नियमांचं उल्लंघन केले आहे.

जम्मूमधील वाहतूक पोलिसांनी सांगितले की, सामान्य नागरिक असो वा सेलिब्रिटी कायदा सर्वांसाठी समान आहे. नियमांचे उल्लंघन करणाऱ्यांवर कठोर कारवाई केली जाईल. मात्र अद्याप अक्षय कुमारची या प्रकरणी कोणतीही प्रतिक्रिया आली नाही आहे. अक्षय कुमार ज्वेलरी शोरूमच्या उद्घाटनाला जम्मूला गेला आहे. यावेळी अक्षयने रेंज रोव्हर मधून प्रवास केला. ती कार पोलीसांनी जप्त केली. यामुळे अक्षय कुमार आता अडचणीत सापडला आहे.

मीडिया रिपोर्टनुसार, अक्षय कुमारने प्रवासासाठी वापरलेली रेंज रोव्हर आयोजकांनी भाड्याने घेतली होती. अभिनेत्याने डोगरा चौक ते जम्मू विमानतळ असा प्रवास केला. विमानतळावरून गाडी पुन्हा येत असताना डोगरा चौकाजवळ वाहतूक पोलिसांनी गाडी थांबवली आणि जप्त केली.

गाडीच्या खिडक्यांवर निर्धारित मानकांपेक्षा जास्त काळी फिल्म लावलेली आढळली. ज्यामुळे गाडीवर कारवाई करण्यात आली. पोलिसांनी काळ्या काचा लावण्याचे परवानगीशी संबंधित कागदपत्रे मागितली. पण असे कोणतेही पत्र नसल्यामुळे नियम तोडल्यामुळे कार जप्त करण्यात आली. आता या प्रकरणी कारवाई सुरू आहे.