![Aadipurush Poster](http://media.assettype.com/saamtv%2F2022-10%2F93d108c9-b651-4935-b198-8f1f9deeba28%2FAdipurush_.jpg?w=480&auto=format%2Ccompress&fit=max)
Bollywood News : रिलीजच्या आधीपासूनच वादात अडकलेला आदिपुरुष सिनेमा रिलीजनंतर चर्चेत आहे. ‘आदिपुरुष’ सिनेमाातील डायलॉग आण सीनमुळे सिनेमावर थेट बंदी आणण्याची मागणी केली जात आहे.
अशात नालासोपारा येथे काल 18 जून रोजी काही हिंदू संघटनांच्या कार्यकर्त्यांनी एका मल्टीप्लेक्समध्ये शिरुन शो सुरु असताना गोंधळ घातला. आंदोलकांनी चित्रपटाचा शो काही काळ बंदही पाडला. यावेळी या आंदोलकांनी जोरदार घोषणाबाजी केली आणि मल्टिप्लेक्स कर्मचाऱ्यांशी वादही घातला.
हिंदू संघटनांचे कार्यकर्ते मल्टिप्लेक्समध्ये आत शिरले आणि त्यांनी मुलांना असे चित्रपट दाखवणे टाळावे, असं दर्शकांना सांगितले. मल्टिप्लेक्सच्या सुरक्षा कर्मचार्यांनी या आंदोलकाना बाहेर जाऊन आपले म्हणणे मांडण्यास सांगितले.
कितीही मोठे लोक असले तरी आम्ही त्यांचा विरोध करणार. यासाठी आम्हाला फासावर जावं लागलं तरी आम्ही जावू, असा इशाराही आंदोलकांना दिला. त्यावेळी त्यांनी 'जय श्री राम'च्या घोषणा दिल्या. (Live Marathi News)
हिंदू धर्माचा अपमान करणाऱ्यांना आम्ही विरोध करतच राहणार असल्याचं आंदोलकांना यावेळी म्हटलं. यावेळी या विरोध करणाऱ्यांनी 'शेम ऑन बॉलिवूड'च्या घोषणाही दिल्या.
वादाचं कारण काय?
ओम राऊत दिग्दर्शित आणि टी-सीरिज निर्मित आदिपुरुष या बिग बजेट चित्रपटावर VFX आणि डायलॉगमुळे सोशल मीडियावर टीका होत आहे. या चित्रपटातील 'लंका दहन'च्या एका दृश्यातील हनुमानाच्या संवादांवरही सोशल मीडिया यूजर्स टीका करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.