Rashmika Mandanna Manager: रश्मिकासोबत मोठा विश्वासघात! सत्य समोर येताच अभिनेत्रीनं उचललं मोठं पाऊल

Rashmika Mandanna News: दाक्षिनात्य अभिनेत्री रश्मिका मंदाना सध्या तिच्या खासगी आयुष्यामुळे चर्चेत आली आहे. अभिनेत्रीला तिच्या आयुष्यातील एका महत्वाच्या व्यक्तीने धोका दिला आहे. सदर घटनेबाबत आद्याप रश्मिकाने कोणतंही वक्तव्य केलेलं नाही. या प्रकरणी तिने मौन बाळगणं पसंत केलं आहे. (Latest Marathi News)

तब्बल ८० लाखांची फसवणूक

अभिनेत्री रश्मिका मंदाना तिच्या अभिनयाने लाखो चाहत्यांच्या मनावर राज्य करत आहे. तिने आजवर कमवलेल्या पैशांतील ८० लाख रुपये चोरीला गेलेत. चौकशी केल्यावर रश्मिकाच्या मॅनेजरनेच ही चोरी केल्याचं म्हटलं जात आहे. पिंकविलावर या बाबात वृत्त देण्यात आलं आहे.

रश्मिकाचा मोठा निर्णय

अभिनेत्रीच्या अकाउंटमधील ८० लाखांची अफरातफर झाल्यावर सर्वत्र एकच खळबळ उडाली. मॅनेजरनेच ही चोरी केल्याचं समजताच रश्मिकाला हदराच बसला. कारण संबंधित व्यक्ती रश्मिकाच्या सुरुवातीच्या करिअरमधील दिवसांपासून तिचे काम पाहत आहे. सदर घटनेनंतर रश्मिकाने मॅनेजरला कामावरुन काढून टाकलंय.

बॉलिवूडमध्ये रश्मिका मिशन मजनूमध्ये दिसली होती. त्यानंतर ती मोठ्या पडद्यावर झळकली नाही. सध्या तिच्या आगामी पुष्पा २ या चित्रपटाच्या शुटींगमध्ये अभिनेत्री व्यस्त आहे. पुष्पा २ या चित्रपटासह अभिनेत्री अॅनिमल या चित्रपटाच्या शूटींगमध्येही व्यस्त आहे. अॅनिमल चित्रपटात तिच्यासह रणबीर कपूर, अनिल कपूर इत्यादी कलाकार काम करत आहेत.