Pravin Tarde Post: 'पुण्याईनं तुझ्यासाठी लोकसभेची दारं उघडली...' मुरलीधर मोहोळ यांच्यासाठी प्रवीण तरडेंची खास पोस्ट

Pravin Tarde Post For MP Murlidhar Mohol: अभिनेता प्रवीण तरडे आणि खासदार मुरलीधर मोहोळ हे खूप खास मित्र आहे. मुरलीधर मोहोळ यांनी काल मंत्रीपदाची शप्पथ घेतली. मुरलीधर मोहोळ यांच्यासाठी प्रवीण तरडेंनी खास पोस्ट केली आहे.
Pravin Tarde Post
Pravin Tarde PostSaam Tv

देशात काही दिवसांपूर्वी लोकसभा निवडणुकांचे निकाल लागले. संपूर्ण देशाचं लक्ष महाराष्ट्राकडे होतं. महाराष्ट्रात पुण्यातून मुरलीधर मोहोळ खासदार म्हणून विजयी झाले. काल झालेल्या मंत्रीमंडळात मुरलीधर मोहोळ यांची समावेश आहे. मुरलीधर मोहोळ यांचा मंत्रिमंडळात समावेश झाल्यानंतर मित्र प्रवीण तरडे यांनी खास पोस्ट केली आहे.

प्रवीण तरडे यांनी मुरलीधर मोहोळ यांच्या प्रचारासाठी हजेरी लावली होती. पुण्यात अनेक ठिकाणी फिरुन त्यांनी मुरलीधर मोहोळ यांचा प्रचार केला होता. मित्र मंत्रीमंडळा सहभागी झाल्याने प्रवीण तरडे यांना खूप आनंद झाला आहे. प्रवीण तरडेंनी सोशल मीडियावर पोस्ट करत मुरलीधर मोहोळ यांचे कौतुक केले आहे.

प्रवीण तरडे यांनी मुरलीधर मोहोळ यांचा शपथ घेतानाचा फोटो पोस्ट करत खास कॅप्शन दिले आहे.'मित्रा ,आज शब्दं अपुरे पडतील पण लेखन थांबायचं नाही. कित्येकजण योगायोगानं राजकारणात येतात पण तू काहीतरी ठरवून यामधे आलास. राजकारणात येवून लोक समाजकारण लोणच्या सारखं वापरतात पण तु ते ताट भरून घेतलंस,पोटभरून रिचवलंस.. कदाचित म्हणुनच कोरोनाच्या महामारीत तु पुण्याला वाचवलंस' .

तुझ्या त्या पुण्याईनं तुझ्यासाठी लोकसभेची दारं उघडली अन् पुणेकरांनी पण त्याची सव्याज परतफेड केली.. तुला लोखोच्या मताधिक्यानं दिल्ली दाखवली.. दिल्लीनं तर दिलादारपणाचा कळस गाठला आणि थेट मंत्रीपदाची माळ तुझ्या गळ्यात घातली,असं त्यांनी लिहलं आहे.

Pravin Tarde Post
Sonakshi Sinha: बॉलिवूडची दबंग गर्ल बॉयफ्रेंसोबत अडकणार लग्नबंधनात; तारीख आली समोर

'पण मित्रा एवढं सगळं होउनही असं वाटतय ही तर फक्तं सुरवात आहे अजुनही “ परम वैभवम नेतुमेतत स्वराष्ट्रम “ या दैवी संदेशा पासून आपण थोडं दूरच आहोत.. येत्या पंचवीस वर्षात जितकं जमेल तितकं या दैवी संदेशाच्या जवळ जाण्याचा प्रयत्न करू .पुण्येश्वराची पुण्याई तुझ्या पाठीशी आहेच बाकी मुळशीची शान , पुण्याचा अभिमान , भारत देशाचा स्वाभिमान ठरो.तुझं खुप अभिनंदन आणि आभाळभर शुभेच्छा', असं कॅप्शन त्यांनी पोस्टवर दिले आहे.

Pravin Tarde Post
Actress Died: मुंबईत ३७ वर्षीय अभिनेत्रीनं संपवलं जीवन, घरात कुजलेल्या अवस्थेत आढळला मृतदेह

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com