Pushpa 2 stampede Case : अल्लू अर्जूनला मोठा दिलासा; कोर्टाकडून जामीन, काय आहे नेमकं प्रकरण?

Pushpa 2 stampede case : अभिनेता अल्लू अर्जूनला मोठा दिलासा मिळाला आहे. संध्या थिएटर येथे चेंगराचेंगरी प्रकरणात अभिनेता अल्लू अर्जूनला कोर्टाकडून जामीन मंजूर झाला आहे. हैदराबादच्या नामपल्ली कोर्टात शुक्रवारी अभिनेता अल्लू अर्जूनला नियमीत जामीन मंजूर झाला आहे. ४ डिसेंबर रोजी अल्लू अर्जूनच्या पुष्पा २ सिनेमासाी हैदराबादच्या संध्या थिएटरमध्ये स्क्रिनिंग ठेवण्यात आली होती. यादरम्यान झालेल्या चेंगराचेंगरीत एका महिलेचा मृत्यू झाला होता. तर १ लहान बाळ जखमी झालं होतं.

अभिनेता अल्लू अर्जूनला 'पुष्पा २' या सिनेमाच्या स्क्रिनिंगवेळी झालेल्या चेंगराचेंगरी प्रकरणात मोठा दिलासा मिळाला आहे. हैदराबादच्या संध्या थिएटरमध्ये 'पुष्पा 2' सिनेमाच्या स्क्रिनिंगदरम्यान झालेल्या चेंगराचेंगरीत ३५ वर्षीय महिला रेवतीचा मृत्यू झाला होता. या प्रकरणात अल्लू अर्जूनला कोर्टाने नियमित जामीन मंजूर केला आहे. अल्लूला ५०००० रुपयांच्या जात मुचलक्यावर अटींसहित जामीन मंजूर केला आहे.

काही दिवसांपूर्वी अल्लू अर्जूनला त्याची टीम आणि थिएटर व्यवस्थापनाच्या विरोधात गुन्हा दाखल झाला होता. याच संध्या थिएटर चेंगराचेंगरी प्रकरणात अल्लू अर्जून कोर्टासमोर व्हर्च्युअल सादर झाला होता. २७ डिसेंबर रोजी १४ दिवसांची न्यायालयीन कोठडीचा अवधी संपल्यानंतर अभिनेता अल्लू अर्जूनला कोर्टासमोर हजर राहावं लागलं. ३१ डिसेंबर रोजी नामपल्ली जिल्हा न्यायालयात त्याच्या जामीन अर्जावर सुनावणी होणार होती. मात्र, ३ जानेवारीपर्यंत सुनावणी स्थगित करण्यात आली होती. त्यामुळे आज अल्लू अर्जुनला नियमीत जामीन मंजूर झाला आहे.