71st National Film Awards: राष्ट्रपतींच्या हस्ते आज 71 व्या राष्ट्रीय चित्रपट पुरस्कारांचे वितरण; 'या' कलाकारांचा होणार सन्मान

71st National Film Awards: १ ऑगस्ट रोजी २०२३ च्या राष्ट्रीय चित्रपट पुरस्कार विजेत्यांची घोषणा करण्यात आली. विजेत्यांना आज सन्मानित केले जाईल. राष्ट्रपती द्रौपदी मुर्मू पुरस्कार प्रदान करतील. राष्ट्रीय चित्रपट पुरस्कार सोहळा नवी दिल्लीतील विज्ञान भवन येथे होणार आहे. यावर्षी विजेत्यांच्या यादीत अभिनेता शाहरुख खान, राणी मुखर्जी आणि विक्रांत मेस्सी यांचा समावेश आहे. मोहनलाल यांना त्याच समारंभात दादासाहेब फाळके पुरस्काराने सन्मानित केले जाईल.

'जवान' साठी शाहरुख खान आणि १२th फेलसाठी विक्रम मेस्सी यांना संयुक्तपणे सर्वोत्कृष्ट अभिनेता म्हणून सन्मानित केले जाईल. मिसेज चटर्जी वर्सेस नॉर्वेसाठी राणी मुखर्जी यांना सर्वोत्कृष्ट अभिनेत्री म्हणून सन्मानित केले जाईल. १२th फेलला सर्वोत्कृष्ट चित्रपट म्हणून सन्मानित केले जाईल आणि द केरळ स्टोरीसाठी सुदीप्तो सेन यांना सर्वोत्कृष्ट दिग्दर्शन म्हणून सन्मानित केले जाईल.

इतर श्रेणींमध्येही पुरस्कार प्रदान केले जातील. २०२३ मध्ये प्रदर्शित झालेल्या श्यामची आई या चित्रपटाला मराठी चित्रपट विभागातून सर्वोत्कृष्ट चित्रपट पुरस्कार प्रदान करण्यात येईल. तर, सर्वोत्कृष्ट मराठी बालकलाकार म्हणून कबीर कंढरे (जिप्सी), त्रिशा ठोसर, श्रीनिवास पोकले आणि भार्गव यांना सन्मानित करण्यात येणार आहे.

कधी आणि कुठे प्रसारण पाहू शकता?

आज, दुपारी ४ वाजता राष्ट्रपती द्रौपदी मुर्मू २०२३ मध्ये प्रदर्शित झालेल्या चित्रपटांच्या विजेत्यांना राष्ट्रीय चित्रपट पुरस्कार प्रदान करतील. कोविड-१९ महामारीमुळे, राष्ट्रीय चित्रपट पुरस्कारांचे वितरण दोन वर्षांनी पुढे ढकलण्यात येत आहे. राष्ट्रीय चित्रपट पुरस्कार सोहळ्याचे थेट प्रक्षेपण डीडी न्यूज चॅनेलद्वारे यूट्यूबवर पाहता येईल. प्रसारण दुपारी ३ वाजता सुरू होईल, यावेळी सर्व विजेत्यांचा सन्मान करण्यात येईल.