अकाेला सराफ बाजारात थरार! भरदिवसा तरुणीवर जीवघेणा हल्ला, घटना CCTV मध्ये कैद

- अक्षय गवळी

अकोल्यात एका तरुणीवर पेंचिस'नं हल्ला करण्याचा प्रयत्न झालाय. छेड़खानी होत असताना विरोध केल्यानं तरुणीवर हातात असलेल्या पेंचिस'नं वार करण्याचा प्रयत्न तरुणाकडून केला गेला. हा सर्व प्रकार सीसीटीव्ही कॅमेरात कैद झालाय.

अकोला येथील सिटी कोतवाली पोलिस ठाण्याच्या हद्दीतील सराफा बाजारात ही घटना घडली आहे. माय-लेकी रस्त्यावरून जात असताना दोन युवकांनी त्यांची छेडखानी करण्याचा प्रयत्न केला.

तरुणीच्या आईने याला विरोध केला असता तिच्यावर तरुणाने हल्ला केला. मात्र तरुणीमध्ये आल्याने तिला हल्ल्याचा सामाना करावा लागला. हा संपूर्ण प्रकार सराफा बाजारातील एका दुकानातील सीसीटीव्ही कॅमेऱ्यात कैद झालाय.

Edited By : Siddharth Latkar