Husband Wife Clash: नवऱ्याचा भयानक प्रकार! चवताळून घेतला पत्नीच्या ओठांचा चावा, महिलेला पडले १६ टाके

संसाराचा गाडा हाकताना पती-पत्नीचे वाद-विवाद हे होत असतात, हे साहजिक आहे. परंतु कधी-कधी वादाचं रुपांतर हाणामारीत होत असतं. मथुरामध्ये मात्र एक धक्कादायक प्रकार घडलाय. वाद झाल्यानंतर एका व्यक्तीने दाताने पत्नीच्या ओठांचा चावा घेत ते कापली आहेत. हा भयानक प्रकार घडलाय मथुरामधील सौख गावात. घरात काम करत असताना नवरा-बायकोचं भांडण झालं, या भांडणात नवऱ्यानं पत्नीचे ओठ कापली.

ओठ कापल्यानंतर त्यातून रक्त येऊ लागलं. जखम मोठी असल्याने महिलेला बोलता सुद्धा येत नव्हतं. पत्नीची अवस्था पाहून पतीने तेथून पळ काढला. जखमी महिला रुग्णालयात गेल्यानंतर तिने पोलिसात पतीविरोधात तक्रार नोंदवली. पीडितेच्या तक्रारीवरून पोलिसांनी तिच्या पतीसह तिघांवर गुन्हा दाखल केला आहे. तिन्ही आरोपींना पकडण्यासाठी पोलीस छापेमारी करत आहेत. या प्रकरणाच्या अधिक माहितीनुसार, पीडित महिला नगला भूचन येथील रहिवासी आहे.

तर आरोपी पतीच नवा विष्णू आहे. दरम्यान ही घटना मागील आठवड्यात घडलीय. शनिवारच्या दिवशी महिला घरात काम करत होती. त्यावेळी तिचा नवरा तेथे आला. त्यानंतर दोघांमध्ये कोणत्यातरी गोष्टींवर वाद झाला. या वादाचं रुपांतर हाणामारीत झालं. नवरा त्या महिलेला मारू लागला. पत्नीने नवऱ्याला विरोध केल्यानंतर त्याने पत्नीचे ओठ आपल्या दात पकडले आणि त्यांचा चावा घेतला. त्यामुळे रक्तस्त्राव सुरू झाला, महिला जोरात ओरडू लागली.

त्यावेळी महिलेला वाचवण्यासाठी तिची बहीण तेथे आली पण नवरा विष्णूने पत्नीच्या बहिणीलाही मारहाण केली. ओठ चावल्यामुळे तिला आता बोलता येत नाहीये. त्यामुळे महिलेने पती, दीर आणि सासूविरोधात तक्रार लिहून दिलीय. पीडितेने तक्रार पत्रात म्हटलं की, तिचा दीर आणि सासूनेही तिला शिवीगाळ आणि मारहाण केली. तसेच जीवे मारण्याची धमकी दिली.

वैद्यकीय तपासणीनंतर पीडितेने तिच्या पालकांच्या घरी गेली. मिळालेल्या माहितीनुसार ओठांचा चावा घेतल्यानं महिलेच्या ओठांवर १६ टाके पडले आहेत. संपूर्ण घटना समजल्यानंतर वडिलांनी आपल्या मुलीसह मगोरा पोलीस ठाणे गाठले. याप्रकरणी पोलीस स्टेशनचे प्रभारी मोहित तोमर यांनी सांगितले की, घरगुती कारणावरून दोघांमध्ये वाद झाला होता. याप्रकरणी गुन्हा दाखल करण्यात आला असून घटनेचा तपास सुरू आहे.