Kolhapur Crime News : शीर नसलेला मृतदेह आढळल्याने कोल्हापुरात खळबळ

- रणजीत माजगावकर

Kolhapur :

कोल्हापूर येथील सावित्रीबाई फुले हॉस्पिटल शेजारी हुतात्मा पार्कच्या ओढ्यात एक मृतदेह पडल्याची माहिती पाेलिसांनी मिळाली. पाेलिसांनी घटनास्थळी धाव घेतल्यानंतर तेथे त्यांना शीर कापलेला एका पुरुषाचा मृतदेह आढळला. दरम्यान या प्रकाराची माहिती कोल्हापूर शहरात वा-या सारखी पसरली. त्यामुळे घटनास्थळी माेठ्या प्रमाणात बघ्यांची गर्दी वाढली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

काेल्हापूर महापालिकेकडून जेसिबीच्या माध्यमातून नालेसफाई मोहिम सुरू आहे. ही स्वच्छता माेहिम सुरु असताना कर्मचारी यांना ओढ्यात मृतदेह आढळला. त्यांनी लगेच याची माहिती पाेलिसांना दिली.

जुना राजवाडा पोलिसांनी दिलेल्या माहितीनूसार पुरुष जातीचा शीर कापलेला सडलेला मृतदेह घटनास्थळी आढळला आहे. स्थानिक गुन्हे अन्वेषण शाखेच्या पथकाने देखील परिसरात तपास सुरु केला आहे. दरम्यान या घटनेची माहिती शहरात वा-या सारखी पसरली. यामुळे घटनास्थळी बघ्यांची मोठी गर्दी जमली हाेती. (Maharashtra News)

Edited By : Siddharth Latkar