Amravati Crime News : दुचाकी चाेरीसाठी मास्टर चाव्यांचा वापर, 29 बाईकसह एकास अटक; सिटी कोतवाली पोलिसांची कारवाई

- अमर घटारे

Amravati News :

मास्टर चाव्यांचा वापर करुन चाेरलेल्या 29 दुचाकींसह काेतवाली पाेलिसांनी चाेरट्यास अटक केली आहे. या चाेरट्याची अधिक चाैकशी सुरु आहे. चाैकशीअंती चाेरट्याकडून आणखी गुन्हे उघडकीस येण्याची शक्यता अमरावतीचे सहाय्यक पोलिस आयुक्त सागर पाटील यांनी व्यक्त केली. (Maharashtra News)

अमरावती जिल्ह्यात दुचाकी चोरीच्या घटनांमध्ये मोठ्या प्रमाणात वाढ झाली होती. यामुळे नागरिक पाेलिसांच्या कार्यपद्धतीवर तीव्र नाराज हाेते. पोलिसांनी दुचाकी चाेरीचा कसून तपास करीत एकास संशयावरून ताब्यात घेतले होते.

शहरातील सिटी कोतवाली पोलिसांनी संशयिताची अधिक चाैकशी केली असता त्याने तब्बल 29 दुचाकी चाेरी केल्याची माहिती समाेर आली. ही चाेरी ताे चार मास्टर चाव्यांचा वापर करून करायचा अशी माहिती पाेलिसांना समजली. या प्रकरणात पोलिसांनी संशयितास अटक केली. त्याच्याकडून आणखी गुन्हे उघडकीस येण्याची शक्यता वर्तवली जात आहे.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar