पीएमपी बसमध्ये गर्दीचा फायदा घेऊन दागिने चोरी करण्‍याच्‍या दोन घटना घडल्‍या आहेत. यातून चोरट्यांनी महिलांकडील दोन लाख ९२ हजारांचे दागिने चोरून नेले. यातील पहिली घटना १६ नोव्हेंबरला हडपसर ते स्वारगेट या मार्गावर धावणाऱ्या बसमध्ये घडली आहे. यात २ लाखाचे सोन्याचे दागिने लंपास केले आहेत.
तर दुसरी घटना २९ नोव्हेंबरला शिवाजीनगर ते कात्रज बस प्रवासादरम्‍यान घडली. यात ९२ हजार रुपये किमतीचे मंगळसूत्र आणि कानातील टॉप्स चोरी केली. दोन्ही चोरी प्रकरणात गुन्हा दाखल करण्यात आला आहे. एक स्वारगेट आणि दुसरा सहकारनगर पोलीस स्टेशन मध्ये गुन्हा दाखल करण्यात आला आहे. पोलीस पीएमपीमध्ये चोरी करणाऱ्या चोरट्यांचा तपास करत आहेत.
स्वारगेट पोलिसांनी दिलेल्या माहितीनुसार, तक्रारदार ४० वर्षीय महिला मूळची हिंगोली जिल्ह्यातील वसमत तालुक्यात राहणारी आहे. ती १६ नोव्हेंबरला पुण्यात आल्यानंतर संध्याकाळी साडेपाचच्या सुमारास हडपसर ते स्वारगेट बसमध्ये प्रवास करीत होती. त्यावेळी बसमध्ये गर्दीचा फायदा घेऊन चोरट्यांनी तिच्या पर्समधील दोन लाखांचे दागिने चोरुन नेले.
दुसऱ्या घटनेत पनवेल येथील ४७ वर्षीय महिला शिवाजीनगर ते कात्रज बसने सकाळी सात वाजता प्रवास करत असताना पद्मावती बस स्टॉपजवळ चोरट्यांनी तिच्या पर्समधील ९२ हजार रुपये किमतीचे मंगळसूत्र आणि कानातील टॉप्स चोरुन नेले. याप्रकरणी तिने सहकारनगर पोलीस ठाण्यात तक्रार दाखल केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.