Sangli Crime: सांगली जिल्हा हादरला! प्रेमप्रकरणातून मारहाण, मुलाच्या वडिलांचा मृत्यू; ७ जण अटकेत

Sangli Shirala Crime News:

सांगली जिल्ह्यातून एक धक्कादायक बातमी समोर आली आहे. सांगली जिल्ह्याच्या शिराळा तालुक्यात प्रेम प्रकरणातून मुलाच्या आई- वडिलांना बेदम मारहाण करण्यात आली. या मारहाणीत वडिलांचा मृत्यू झाला. या घटनेने सांगली जिल्हा हादरुन गेला असून मारहाणीप्रकरणी १२ जणांवर गुन्हा दाखल करण्यात आला आहे, तर सात जणांना अटक करण्यात आली आहे.

सांगली जिल्ह्यातील (Sangli) शिराळा तालुक्यामधील मांगलेमध्ये प्रेम संबंधांतून मुलाच्या आई वडिलांना मुलीचे आई वडील, चुलत चुलते तसेच नातेवाईकांनी विद्युत पोलला दोरीने बांधून लाथाबुक्क्यांनी बेदम मारहाण केली. या मारहाणीत मुलाचे वडील दादासाहेब रामचंद्र चौगुले यांचा मृत्यू झाला असून आई गंभीर जखमी झाली आहे.

पोलिसांनी दिलेल्या माहितीनुसार, मृत दादासाहेब चौगुले यांच्या मुलाचे गावातीलच एका मुलीसोबत प्रेम संबंध होते. या प्रेमसंबंधातून चौगुले यांच्या मुलाने संबंधित मुलीला पळवून नेले होते. याचा राग मुलीच्या नातेवाईकांना होता. याच रागातून दादासाहेब चौगुले हे बुधवारी सकाळी त्यांच्या शेताकडे गेले असता मुलीचे नातेवाईक देखील त्या ठिकाणी आले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

'आमच्या मुलीला तुमचा मुलगा घेऊन गेला आहे ते कोठे आहेत सांगा असे म्हणून दादासाहेब चौगुले यांना विद्युत पोलला दोरीने बांधून बेदम मारहाण केली. या मारहाणीत दादासाहेब चौगुले हे बेशुद्ध झाले आणि त्यामुळे त्यांचा मृत्यू झाल्याचे सांगण्यात आले. याप्रकरणी शिराळा पोलिसांनी बारा जणांविरुद्ध गुन्हा दाखल करून चौघांना अटक केली. या घटनेमुळे शिराळा तालुक्यात एकच खळबळ उडाली आहे. (Latest Marathi News)