राजस्थानमधील एका रुग्णालयात आयसीयू वॉर्डमध्ये भरती असलेल्या महिला रुग्णावर बलात्कार करण्यात आल्याची धक्कादायक घटना घडली आहे. अलवर जिल्ह्यामधील ईएसआयसी मेडिकल कॉलेजच्या आयसीयू वॉर्डमध्ये ही घटना घडली. ३२ वर्षीय महिलेवर ४ जुलैच्या रात्री नर्सिंग स्टाफने बलात्कार केला. महिला रुग्णाला गुंगीचे औषध देऊन आरोपीने रुग्णालयात हे भयंकर कृत्य केले. या प्रकरणी पोलिस ठाण्यात आरोपीविरोधात गुन्हा दाखल करण्यात आला आहे.
मिळालेल्या माहितीनुसार, ईएसआईसी मेडिकल कॉलेजमध्ये ही घटना घडली. या रुग्णालयात आयसीयू वॉर्डमध्ये ३२ वर्षीय महिलेवर उपचार सुरू होत. ४ जून रोजी एका नर्सिंग स्टाफने या महिला रुग्णावर बलात्कार केला. आरोपीने पीडितेला गुंगीचे इंजेक्शन दिले होते आणि तिच्या बेडभोवती पडदे लावून हे कृत्य केले. सकाळी पीडितेच्या नवऱ्याला या घटनेची माहिती मिळाली तर त्याने मेडिकल कॉलेजच्या कर्मचाऱ्यांना घटनेची माहिती दिली तेव्हा प्रशासनाने संपूर्ण प्रकरण दाबण्यास सुरुवात केली.
मेडिकल कॉलेज प्रशासन हे प्रकरण दाबण्याचा प्रयत्न करत होते. परंतु पीडितेने एडीएम सिटीला या प्रकरणाची माहिती दिली. एडीएम सिटीने तात्काळ एमआयए पोलिस स्टेशनला या प्रकरणात कारवाई करण्याचे निर्देश दिले. पोलिसांनी या प्रकरणात गुन्हा नोंदवला आणि पीडितेची वैद्यकीय तपासणी केली. कलम १६४ अंतर्गत महिलेचा जबाब नोंदवण्याची प्रक्रिया सुरू आहे.
पोलिसांनी सांगितले की, पीडितेचा व्हिडिओ स्टेटमेंट रेकॉर्ड करण्यात आला आहे. ज्यामध्ये तिने स्पष्टपणे म्हटले आहे की रुग्णालयातील नर्सिंग स्टाफने तिच्यावर बलात्कार केला. पीडितेने सांगितले की, आरोपीने प्रथम तिला गुंगीचे इंजेक्शन दिले, ज्यामुळे ती बेशुद्ध झाली आणि त्यानंतर आरोपीने बलात्कार केला. पोलिस आता या प्रकरणाचा तपास करत आहेत. रुग्णालयात बसवलेल्या सीसीटीव्ही कॅमेऱ्यांची तपासणी केली जात आहे. तसेच आरोपीला अटक करण्याची प्रक्रिया देखील सुरू आहे.
मेडिकल कॉलेजचे डीन डॉ. असीम दास म्हणाले की, या प्रकरणाची माहिती मिळताच या प्रकरणाची चौकशी करण्यासाठी एक पथक तयार करण्यात आले आहे. ते पथक शनिवारपर्यंत आपला अहवाल सादर करेल. या प्रकरणात जो कोणी दोषी आढळेल त्याच्यावर कठोर कारवाई केली जाईल असे आश्वासन डीनने दिले. या प्रकारामुळे रुग्णालयातील रुग्णांच्या सुरक्षिततेचा प्रश्न ऐरणीवर आला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.