Sonam Raghuvanshi Case : राज कुशवाह फक्त मोहरा, मोबाईलमध्ये सोनम दीदी म्हणून नंबर सेव्ह; राजा रघुवंशी प्रकरणात सस्पेन्स वाढला

इंदूर : व्यावसायिक राजा रघुवंशी हत्याकांडात एक नवीन वळण आले आहे . सोनम रघुवंशीने राज कुशवाहाचा वापर राजाला मारण्यासाठी मोहरा म्हणून केला असल्याचा संशय आहे, तर या प्रकरणातील मुख्य पात्र दुसरे कोणीतरी असू शकते. मिळालेल्या माहितीनुसार, सोनमचा नंबर सोनम दीदी म्हणून राजच्या फोनमध्ये सेव्ह करण्यात आला होता आणि तपासादरम्यान पोलिसांना चार संशयास्पद बँक खाती देखील आढळली आहेत. या खात्यांमध्ये लाखो रुपयांचे व्यवहार झाले आहेत. ही खाती जितेंद्र रघुवंशी नावाच्या व्यक्तीची आहेत.

एकामागून एक जोडणारे दुवे

राजा रघुवंशी याच्या हत्येप्रकरणी त्याची पत्नी सोनम रघुवंशीसह पाच जणांना अटक करण्यात आली आहे. मेघालय पोलिसांनी सोनमचा प्रियकर राज कुशवाह, आकाश राजपूत आणि विशाल चौहान यांच्यासह पाच जणांना ट्रान्झिट रिमांडवर घेतलं आहे. गुन्ह्याचे दृश्य पुन्हा तयार केले जात आहे. इंदूर पोलीस आणि मेघालय पोलिसांच्या दाव्यानुसार, प्रकरण स्पष्ट आहे. घटनेचे दुवे जोडले गेले आहेत आणि न सुटलेल्या प्रश्नांची उत्तरे देखील सापडली आहेत.

पोलीस तपासात आणखी एक नाव समोर

या प्रकरणात पोलिसांचा तपास सुरू आहे. या प्रकरणात आणखी एक खुलासा झाला आहे. या प्रकरणात आणखी एक नाव समोर आलं आहे, ज्याला 'खरा सूत्रधार' म्हटलं जात आहे. तथापि, संपूर्ण माहिती उघड झाल्यानंतरच सत्य बाहेर येईल. जितेंद्र रघुवंशी याचं नाव समोर आल्यानंतर या प्रकरणात एक नवीन वळण आलं आहे. मीडिया रिपोर्ट्समध्ये असाही दावा केला जात आहे की सोनम रघुवंशीने केवळ तिचा पती राजाला मारलं नाही तर पाच वर्षांनी लहान असलेल्या राज कुशवाहालाही या रक्तरंजित खेळात मोहरा बनवलं. या संपूर्ण घटनेतील खरे पात्र दुसरेच कोणीतरी असल्याचा अंदाज वर्तवला जात आहे.

तो नंबर राजाच्या फोनमध्ये दीदीच्या नावाने सेव्ह

सोनमचा मोबाईल नंबर राजच्या फोनमध्ये सोनम दीदी म्हणून सेव्ह होता. घरी फोन आला तरी तो तिला दीदी म्हणून हाक मारायचा. तो सोनमशी फक्त कामाच्या संदर्भात बोलत असे. सोनमचा भाऊ गोविंद यानेही तेच सांगितलं आहे. राजच्या कुटुंबातील सदस्यांनी असंही म्हटलं आहे की तो सोनमला दीदी म्हणून हाक मारायचा. अशा परिस्थितीत, दोघेही प्रेमी आहेत हे कोणालाही पटणारी नाहीय.

सर्व गोष्टींमुळे सस्पेन्स

या सर्व गोष्टींमुळे शंका निर्माण होते की या प्रकरणातील मुख्य पात्र दुसरे कोणी असू शकते आणि सोनमने राजचा वापर मोहरा म्हणून केला आहे. पोलीस तपासात चार संशयास्पद बँक खाती देखील आढळली आहेत. त्यामध्ये लाखो रुपयांचे व्यवहार झाले आहेत. यामध्ये एक चालू खाते देखील आहे. ही चारही खाती देवास येथील जितेंद्र रघुवंशी याच्या नावावर आहेत. सोनम राजकडून व्यवसायाशी संबंधित सर्व काम करून घेत असे. संपूर्ण हवाला कामही राजच पाहत असे. दोघेही या संदर्भात बोलत असत. त्यामुळे राजऐवजी कोणीतरी तिसरी व्यक्ती सोनमच्या संपर्कात आहे हे नाकारता येत नाही.