Pune Shocking News : भयंकर ! पुण्यातील बालसुधारगृहात अल्पवयीन मुलावर ३ कुख्यात आरोपींकडून लैंगिक अत्याचार

Pune Crime News today :

पुण्यातील बालसुधारगृहात भंयकर घटना घडली आहे. एका अल्पवयीन मुलावर तीन कुख्यात आरोपींनी सामूहिक अत्याचार केला. या प्रकरणी पुण्यातील येरवडा पोलीस ठाण्यात आरोपींविरोधात गुन्हा नोंदवण्यात आला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या माहितीनुसार, पुण्यातील बालसुधारगृहात ही संतापजनक घटना घडली आहे. अल्पवयीन मुलावर तिघा कुख्यात आरोपींनी लैंगिक अत्याचार केल्याचे समोर आले आहे. पीडित मुलगा हा सांगलीतील मिरजगाव येथील आहे. त्याला बालसुधारगृहात ठेवण्यात आला आहे.

याच बालसुधारगृहातील इतर तीन आरोपींनी या मुलावर लैंगिक अत्याचार केला. सुधारगृहातच ही घटना घडल्याने खळबळ उडाली आहे. लैंगिक अत्याचार करणारे तिन्ही आरोपी हे वेगवेगळ्या गुन्ह्यांत सध्या बालसुधारगृहात आहेत.

या आरोपींविरोधात पुण्यातील येरवडा पोलीस ठाण्यात अनैसर्गिक अत्याचार, खुनाचा प्रयत्न आणि मारहाण केल्याप्रकरणी गुन्हा दाखल करण्यात आला आहे.