Pune Crime : हुंडा दिला नाही म्हणून पतीकडून पत्नीच्या हत्येचा प्रयत्न; ६ जणांवर गुन्हा दाखल

पुण्यातील वैष्णवी हगवणे प्रकरण ताजे असतानाच पुन्हा एकदा पुण्यात धक्कादायक प्रकार घडला आहे. पुण्यात हुंड्यासाठी पतीने पत्नीचा खून करण्याचा प्रयत्न केला असल्याचं समोर आलं आहे. या प्रकरणी सासू, सासऱ्यांसह पतीला अटक करण्यात आली आहे. पुण्यातील चंदनगर पोलीस ठाण्यात त्यांच्या विरोधात गुन्हा दाखल करण्यात आला आहे.

पीडित तरुणीचा प्रणिल याच्याशी ऑक्टोबर २०२४ मध्ये विवाह झाला. विवाहानंतर हुंड्यात काही वस्तू दिल्या नाहीत, त्यासाठी आई वडिलांकडून पैसे घेऊन ये असे पती प्रणिल याने तिला सांगितले. हुंडा दिला नाही म्हणूनपती, सासू, सासरे, चुलत सासरे यांनी तिला टोमणे मारून शारीरिक आणि मानसिक छळ देण्यास सुरुवात केला. त्यानंतर २५ जूनला पती प्रणिलने तिला मारहाण करत तिचा गळा दाबला. तसेच तिचा मोबाईल देखील फोडला आणि फरफटत नेत घराच्या गॅलरीमधून ढकलून देण्याचा प्रयत्न केला.

पीडितेने तात्काळ पोलीस ठाण्यात तक्रार नोंदवल्याने मोठा अनर्थ टळला. पीडितेने तक्रार नोंदवल्याप्रमाणे कुटुंबातील ६ जणांवर गुन्हा दाखल करण्यात आला आहे.