Odisha Crime: शिक्षक झाले हैवान! ११ वर्षीय विद्यार्थीनीवर शाळेतील टॉयलेटमध्ये अत्याचार; दोघा नराधमांना अटक

Odisha Crime News:

गुरू शिष्याच्या नात्याला काळिमा फासणारी धक्कादायक घटना ओडीसामधून समोर आली आहे. ओडीसामध्ये एका पाचवीत शिकणाऱ्या ११ वर्षीय विद्यार्थिनीवर शाळेतील दोघा नराधम शिक्षकांनी बलात्कार केल्याची घटना उघडकीस आली आहे. या घटनेने सर्वत्र संताप व्यक्त केला जात असून पोलिसांनी दोन्ही शिक्षकांंना अटक केली आहे. (Crime News In Marathi)

नबरंगपूर जिल्ह्यातील एका सरकारी निवासी शाळेतील दोन शिक्षकांनी पाचवीत शिकणाऱ्या ११ वर्षीय विद्यार्थिनीवर सामूहिक बलात्कार केल्याची संतापजनक घटना समोर आली आहे. मंगळवारी (७, नोव्हेंबर) ही घटना घडली होती.

घरी आल्यानंतर मुलीची प्रकृती बिघडल्याने हा संपूर्ण प्रकार समोर आला. ज्यानंतर तिच्या वडिलांनी पोलिसांत तक्रार दाखल केली. मुलीच्या वडिलांनी दिलेल्या तक्रारीनुसार, मागासवर्गीय मुलांसाठी असलेल्या आश्रम शाळेत ही घटना घडली. दोन्ही नराधम शिक्षकांनी विद्यार्थीनीला शाळेच्या शौचालयात नेऊन तिच्यावर बलात्कार केला.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान, या प्रकरणी दोन्ही नराधम शिक्षकांना पोलिसांनी अटक केली आहे. नबरंगपूरचे जिल्हाधिकारी कमल लोचन मिश्रा म्हणाले की, दोघांची चौकशी पूर्ण केल्यानंतर कारवाई केली जाईल असे सांगितले आहे. तसेच जिल्हा कल्याण अधिकार्‍यांना घटनेच्या चौकशीचे निर्देश देण्यात आले आहेत आणि आम्हाला चौकशी अहवाल मिळाल्यानंतर आरोपींवर कठोर कारवाई केली जाईल, असेही त्यांनी सांगितले आहे. (Latest Marathi News)