Nanded Crime News: गुंडाचा नांदेड पाेलिसावर गोळीबार, धुमश्चक्रीनंतर तिघांना अटक

- संजय सूर्यवंशी

नांदेड शहरातील अष्टविनायक नगर येथे गोळीबार करून वृद्धाला लुटणाऱ्या संशयित आरोपींना एलसीबीने सहा तासाच्या आत अटक केली. संशयित आरोपीकडून एक बंदूक, दोन मोटारसायकल आणि 40 हजार रुपये जप्त करण्यात आल्याची माहिती पोलिस अधीक्षक श्रीकृष्ण कोकाटे यांनी दिली. (Maharashtra News)

नांदेड शहरातील अष्टविनायक नगरात काल दुपारी गोळीबाराची घटना घडली होती. रवींद्र जोशी या वृद्ध व्यक्तीवर गोळीबार करून 40 हजार रुपये लुटून आरोपी फरार झाले होते. हा संपूर्ण प्रकार एका व्यक्तीने मोबाईल मध्ये कैद केला होता.

पोलिसांनी व्हिडिओच्या आधारे तपासाची चक्रे वेगाने फिरविली. या घटनेच्या सहा तासाच्या आत तीन संशयित आरोपींना पोलिसांनी अटक केली. या अटके दरम्यान एका संशयित आरोपीने पोलिसांवर गोळीबार केला होता. त्याला प्रतिउत्तर देत स्थानिक गुन्हे शाखेच्या एका पोलिस अधिकाऱ्याने देखील स्वतःच्या संशयिताच्या पायावर गोळी झाडून जखमी केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

विशेष म्हणजे यातील दोन आरोपी पंजाब राज्यातील असून एक आरोपी नांदेड शहरातील आहे. या आरोपींकडून एक बंदूक, दोन मोटारसायकल आणि 40 हजार रुपये जप्त करण्यात आल्याची माहिती पोलिस अधीक्षक श्रीकृष्ण कोकाटे यांनी दिली.

Edited By : Siddharth Latkar